بيىلدان باستاپ اسكەردەگى كومانديرلەر وتان الدانداعى بورىشىن وتەۋگە بارعان زاماناۋي جاستار – Z-ۇرپاقپەن جۇمىس ىستەۋدى ۇيرەنەدى. ول ءۇشىن ارنايى كۋرس ازىرلەنىپ جاتىر. ەلىمىزدە زۋمەرلەردىڭ ۇستانىمدارىنا بەيىمدەلگەن تاربيە بەرە الاتىن كومانديرلەر دايىندالادى. بۇل جايىندا قر قورعانىس ءمينيسترىنىڭ ورىنباسارى اسقار مۇستابەكوۆ «24KZ» تەلەارناسىنداعى «ءتۇيىن» باعدارلاماسىنا بەرگەن سۇحباتىندا ايتتى.

«بيىلدان باستاپ تاكتيكالىق دەڭگەيدەگى كومانديرلەر مەن سەرجانتتار قۇرامدارى ءۇشىن قازىرگى تاڭداعى جاسوسپىرىمدەرمەن جۇمىس جاساۋ كۋرستارىن دايىنداپ جاتىرمىز. سول كۋرستاردان وتەتىن بولادى. قازىر اسكەر قاتارىنا كەلىپ جاتقان جاستاردىڭ ءوزىنىڭ ۇستانىمى، بەيىمى بار. سونى ءبىلىپ، سوعان بەيىمدەلگەن تاربيە بەرە الاتىن كومانديرلەر دايىنداپ جاتىرمىز», - دەدى ول.

قورعانىس ءمينيسترىنىڭ ورىنباسارى قازىر اسكەرگە كەلىپ جاتقان بوزبالالاردىڭ وسىدان 20 جىل بۇرىنعى جاستاردان وزگەشەلىگىنە توقتالدى. اسكەر قاتارىنا الىنعان العاشقى ەكى ايدا جاستار پسيحولوگيالىق تەستتەن وتەدى.

«كەيبىر اسكەرگە كەلىپ جاتقان ساربازدارىمىز ۇيدە جالعىز وسكەن بالا، ۇلكەن ۇجىمدارعا بەيىمدەلمەگەن بولىپ كەلەدى. سوندىقتان، اسكەرگە شاقىرىلۋ كەزىندە پسيحولوگيالىق تەستتەردەن وتەدى. قازىرگى تاڭدا ەكى اپتا بويى سولداتتاردى پسيحولوگيالىق تۇرعىدان زەرتتەۋ ۋاقىتىن وتكىزىپ جاتىرمىز. 2 اپتادان كەيىن ساربازدىڭ پسيحولوگيالىق دەڭگەيى قانداي ەكەنىن انىقتاپ، سودان كەيىن قانداي لاۋازىمعا قويۋ كەرەك ەكەنىن انىقتايمىز»، - دەپ اتاپ ءوتتى باعدارلاما قوناعى.

باعدارلامانىڭ تولىق نۇسقاسى:

Abai.kz