قاسىم-جومارت توقاەۆ «قازاقستان رەسپۋبليكاسىنىڭ ورتا ءبىلىم بەرۋ جۇيەسىنە جاساندى ينتەللەكتتى ەنگىزۋ جونىندەگى شارالار تۋرالى» جارلىققا قول قويدى، دەپ حابارلادى اقوردانىڭ ءباسپاسوز قىزمەتى.

قۇجات جاساندى ينتەللەكت تەحنولوگياسىنىڭ قارقىندى ءوسۋى جاعدايىندا قازىرگى زامانعى ءبىلىم بەرۋ جۇيەسىن دامىتۋعا باعىتتالعان.

جارلىققا سايكەس، 2026 جىلدىڭ 1 شىلدەسىنە دەيىن ۇكىمەت 2026-2029 جىلدارعا ارنالعان مەكتەپتەرگە اي ەنگىزۋدىڭ كەشەندى جوسپارىن بەكىتۋى ءتيىس.

ول:

─ دەربەس وقىتۋ تەتىكتەرىن قۇرۋ;
─ تسيفرلىق ينفراقۇرىلىمدى دامىتۋ;
─ پەداگوگتاردى دايارلاۋ;
─ وقۋشىلاردىڭ دەربەس دەرەكتەرىن قورعاۋ.

جارلىقتا جاساندى ينتەللەكتتى دامىتۋ جونىندەگى كەڭەستىڭ مۇشەسى لي كاي-فۋدىڭ ۇسىنىستارى جەكە اتاپ وتىلەدى.

1 ماۋسىمعا دەيىن ۇكىمەت ورتا ءبىلىم بەرۋ سالاسىنداعى پيلوتتىق جوبانى ىسكە قوسۋ بويىنشا ۇسىنىستاردى ۇسىنۋى ءتيىس.

رەفورمانىڭ مىندەتتەرىنىڭ ءبىرى قالالىق جانە اۋىلدىق مەكتەپتەر اراسىنداعى ءبىلىم بەرۋ ساپاسىنداعى الشاقتىقتى قىسقارتۋ دەپ اتالدى.

2026 جىلدىڭ 1 تامىزىنا قاراي پيلوتتىق جوبا اياسىندا مەكتەپتەردى تەحنيكالىق جابدىقتاۋمەن جانە تۇراقتى جوعارى جىلدامدىقتى ينتەرنەتپەن قامتاماسىز ەتۋ جوسپارلانىپ وتىر.

1 قىركۇيەككە دەيىن ءبىلىم بەرۋدە جاساندى ينتەللەكتتى قولدانۋ ستاندارتتارى، سونداي-اق پەداگوگتاردى ۇزدىكسىز كاسىبي دامىتۋ جوسپارى بەكىتىلۋى ءتيىس.

بۇل رەتتە جارلىقتا AI قوسىمشا قۇرال رەتىندە پايدالانىلۋى جانە مۇعالىمدەردىڭ جۇمىسىن الماستىرماۋى ءتيىس ەكەندىگى جەكە اتاپ كورسەتىلەدى.

Abai.kz