اتىراۋدا ءبۇتىن ءبىر وتباسىنى قىرىپ سالدى دەپ ايىپتالعان سۇلتان سارسەماليەۆتىڭ ءىسى بويىنشا سوت پروتسەسى باستالدى، دەپ حابارلايدى Ertenmedia.kz.

تەرگەۋ مالىمەتىنشە، كۇدىكتى جوسپارىن بىرنەشە ساتىعا ءبولىپ جۇزەگە اسىرعان. الدىمەن ايەلىنىڭ تۋعان باۋىرى ناۋرىزدىڭ ءومىرىن قيعان. اراعا جارتى جىل سالىپ اتا-ەنەسى مەن قايىن اپكەسىن ولتىرگەن. اۋلەتتىڭ ەت جاقىندارى سوتتىڭ باستالۋىن سارىلا كۇتكەنىن ايتادى. ولار سوتتان تەك ءادىل شەشىم تالاپ ەتىپ وتىر.

«بىزگە كەرەگى؟ بىزگە كەرەگى ادىلدىك. وسى كۇندى وتە ۇزاق كۇتتىك. ول (سارسەماليەۆ، رەد.) كىناسىن تولىق مويىندادى. ءبارى ءادىل ءارى تازا وتسە ەكەن»، – دەيدى قازا تاپقان ماقسۇت مۇقانعاليەۆتىڭ اپكەسى ءاسيلا مۇقانعاليەۆا.

اعايىن-تۋىستارىنىڭ ايتۋىنشا، الگى وقيعادان كەيىن «كۇيەۋبالانىڭ» وتباسى ولارمەن بايلانىسقا شىقپاعان، الدىنا جىعىلىپ، كەشىرىم دە سۇراماعان. ساراپتاما ناتيجەسى بويىنشا، سارسەماليەۆتىڭ اقىل-ەسى دۇرىس دەپ تانىلعان. ماقسۇت مۇقانعاليەۆتىڭ تاعى ءبىر اپكەسى ادەمى شالماعامبەتوۆا ايىپتالۋشىنىڭ جۇبايى اقباياننىڭ قازىرگى ءحال-احۋالى تۋرالى اقپارات بەردى.

«قازىر پسيحياتريالىق اۋرۋحانادا ەم-دوم الىپ جاتىر. وعان ەشكىمدى كىرگىزبەيدى. تەك اس-سۋى مەن قاجەتتى زاتتاردى عانا بەرىپ جىبەرەمىز»، – دەدى ول.

تۋىستارى ازاپپەن ولگەن وتباسىنىڭ قوڭىرتوبەل ءومىر سۇرگەنىن ايتادى.

«مال ۇستاپ، زەينەتاقىمەن كۇن كورگەن قاراپايىم وتباسى-تۇعىن. ەلدەن ىلگەرى دە ەمەس، كەيىن دە ەمەس، ورتاشا تىرلىك كەشىپ ەدى»، – دەيدى ولار.

سوت پروتسەسىنىڭ ءا دەگەندەگى العاشقى وتىرىسىن سۋديا زارەما حاميدۋللينا جۇرگىزۋدە. سارسەماليەۆ؟ تەرگەۋ دەرەگىنشە، «كۇيەۋبالا» وتباسى مۇشەلەرىن تەگىس ولتىرگەن سوڭ، قوراداعى ۇساق مال مەن ءىرى قارانى ساتىپ، بانكتەگى ازىن-اۋلىق اقشانى شەشىپ، ەلدەن قاشقان. وعان ەكى نەمەسە ودان كوپ ادامدى ءولتىرۋ; ۇرلىق-قارلىق جاساۋ; الاياقتىق ارەكەتتەر دەيتىن بىرنەشە باپ بويىنشا ايىپ تاعىلىپ وتىر.

ال ونىڭ جۇبايى اقبايان مۇقانعاليەۆانىڭ قىلمىسقا قاتىسى بارى دالەلدەنبەگەن، ونىڭ ۇستىنەن ءازىر بولەك تەرگەۋ جۇرۋدە. پوليتسيا ونىڭ پسيحيكالىق جاي-كۇيىنە قاتىستى ساراپتاما ناتيجەسىن كۇتۋدە.

ايتا كەتەيىك، اتىراۋ وبلىسى جانگەلدين اۋىلىندا تۇراتىن قاراباليندەر وتباسى 2025 جىلدىڭ سوڭىندا ءىز-ءتۇسسىز جوعالىپ كەتكەن. كەيىن 66 جاستاعى ماقسۇت قارابالين مەن ايەلى ءناسىپ وتەشقاليەۆانىڭ سۇيەگى ءۇيىنىڭ اۋلاسىنداعى سارايدىڭ استىنان تابىلعان ەدى.

سارسەماليەۆ ايەلىمەن بىرگە حالىقارالىق ىزدەۋگە جاريالانىپ، وسى جىلدىڭ اقپانىندا يندونەزيانىڭ بالي ارالىندا ۇستالعان. قازاقستانعا قايتارىلعان سارسەماليەۆ مارقۇمداردىڭ ۇل-قىزىنىڭ سۇيەگى جاسىرىلعان ورىندى دا كورسەتىپ بەرگەن.

Abai.kz