جارما اسپانىندا ءان قالىقتاپ، ءبىرتۋار ءانشى تەمىر تۇلپار ءمىندى: داۋلەت تۇرلىحانوۆ روزا رىمباەۆاعا قۇرمەت كورسەتتى.

اباي وبلىسى، جارما اۋدانىنىڭ ورتالىعى قالباتاۋ اۋىلىندا ءماجىلىس دەپۋتاتى داۋلەت تۇرلىحانوۆتىڭ باستاماسىمەن ۇيىمداستىرىلعان گالا-كونتسەرت حالىقتىڭ ەسىندە ۇزاق ساقتالاتىن بولادى. اتالعان  گالا-كونتسەرتتە قازاق ەستراداسىنىڭ جارىق جۇلدىزدارى ونەر كورسەتىپ، كەش سوڭىندا روزا رىمباەۆاعا باعالى سىيلىق تابىس ەتىلدى.

ەندى وسى ايتۋلى مادەني شاراعا ەگجەي-تەگجەي توقتالاتىن بولساق. كەشكى ۋاقىتتا اۋىلدىڭ ورتالىق الاڭىنا جينالعان حالىقتىڭ قاراسى قالىڭ بولدى. اشىق اسپان استىندا وتكەن كونتسەرتتىك باعدارلاما جارمالىقتارعا ناعىز مەرەكەلىك كوڭىل-كۇي سىيلادى. ساحنا تورىندە قازاقستاننىڭ حالىق ءارتىسى روزا رىمباەۆا، تانىمال انشىلەر ءالي وقاپوۆ، ءمادي رىمباەۆ، مەدەۋ ارىنباەۆ جانە جاستاردىڭ سۇيىكتى ورىنداۋشىسى Kalifarniya سىندى ونەر مايتالماندارى اۋەلەتە ءان شىرقادى.

اسىرەسە، روزا رىمباەۆانىڭ ساحناعا شىعۋى كەشتىڭ ەڭ جارقىن ساتىنە اينالدى دەسەك ارتىق ايتپايمىز. كورەرمەندەر سۇيىكتى ءانشىسىن ەرەكشە ىقىلاسپەن قارسى الىپ، ونىڭ الەمگە تانىمال اندەرىن بۇكىل اۋىل بولىپ بىرگە شىرقادى.

ونەرگە كورسەتىلگەن تاعزىم

اتالعان ونەر كەشى – قر پارلامەنتى ءماجىلىسىنىڭ دەپۋتاتى داۋلەت تۇرلىحانوۆتىڭ قازاق ونەرىنىڭ پريمادونناسىنا كورسەتكەن قۇرمەتىمەن ەرەكشەلەندى. ول ساحنا تورىندە روزا قۋانىشقىزىنىڭ ۇلتتىق مادەنيەتكە قوسقان ولشەۋسىز ۇلەسىن اتاپ ءوتىپ، حالىق ارتىسىنە تەمىر تۇلپار مىنگىزدى.

"بۇل – تەك باعالى سىيلىق ەمەس، بۇل حالىقتىڭ اتىنان، جەرلەستەرىمىزدىڭ اتىنان ونەر يەسىنە دەگەن شىنايى ريزاشىلىق پەن قۇرمەتتىڭ بەلگىسى،" – دەدى دەپۋتات ءوز سوزىندە.

ايتا كەتەيىك، بۇل شارا تەك كونتسەرت قانا ەمەس، اۋىل تۇرعىندارىنىڭ باسىن قوسقان، رۋحاني مادەنيەتتى دارىپتەگەن ماڭىزدى وقيعا بولدى. جارمالىقتار مۇنداي دەڭگەيدەگى شارانى ۇيىمداستىرعان ازاماتتارعا ءوز العىستارى مەن اق تىلەكتەرىن جاۋدىردى.

Abai.kz