بۇگىن قر پارلامەنتى ءماجىلىسىنىڭ جالپى وتىرىسىندا ءماجىلىس دەپۋتاتى قازىبەك يسا دەپۋتاتتاردىڭ مەملەكەتتىك سۇراقتارىنا ورىس تىلىندە جاۋاپ بەرگەن قر ادىلەت ۆيتسە-ءمينيسترى بوتاگوز جاكسەلەكوۆاعا قاتاڭ ەسكەرتۋ جاسادى.

- مەن قر ادىلەت ۆيتسە-ءمينيسترى بوتاگوز شايماردانقىزى قارىنداسىما اعالىق ەسكەرتۋ ايتپاقشىمىن.

ءسىز ادىلەت ۆيتسە-ءمينيسترى رەتىندە قازاقستاندا مەملەكەتتىك ءتىل قازاق ءتىلى ەكەنىن بىلمەيسىز بە؟!. مەملەكەتتىك تىلدە سۇراق قويعان دەپۋتاتتاردىڭ بارلىعىنا مەملەكەتتىك تىلدە ەمەس - ورىس تىلىندە جاۋاپ بەردىڭىز! ءتىپتى، ءماجىلىس دەپۋتاتى ەكاتەرينا سمولياكوۆنىڭ مەملەكەتتىك تىلدەگى سۇراعىنا دا مەملەكەتتىك تىلدە جاۋاپ بەرە المادىڭىز؟!

كەلەسىدە پارلامەنتكە كەلگەندە مەملەكەتتىك ءتىلدى ۇيرەنىپ كەلىڭىز، نەمەسە ادىلەت مينيسرلىگىندە قازاقشا بىلەتىن ادام بار شىعار، مەملەكەتتىك ءتىلدى بىلەتىن وكىلدى جىبەرسىن!

ادىلەت ۆيتسە-ءمينيسترىنىڭ مەملەكەتتىك ءتىلدى بىلمەۋى – ادىلەتسىزدىك، - دەدى قازىبەك يسا.

Abai.kz