ۇكىمەت وڭىرلەردىڭ ساۋدانى دامىتۋ، كاسىپكەرلىكتى وركەندەتۋ جانە تاۋار اينالىمىن ۇلعايتۋ مۇمكىندىكتەرىن كەڭەيتۋدى كوزدەپ وتىر. 

پرەمەر-مينيستر ولجاس بەكتەنوۆ ءوڭىر اكىمدىكتەرىنە ناقتى ءوسۋ نۇكتەلەرى، ينۆەستيتسيالىق جوبالار جانە مەجەلى كورسەتكىشتەرى قامتىلعان ساۋدانى دامىتۋ جونىندەگى جول كارتالارىن ازىرلەۋدى تاپسىردى.

قازىرگى تاڭدا ەلدەگى تاۋار اينالىمىنىڭ باسىم بولىگى ءىرى وڭىرلەر مەن قالالارعا تيەسىلى. سونىمەن قاتار ءاربىر ءوڭىر الداعى ۋاقىتتا ساۋدا كولەمىن ارتتىرۋ ءۇشىن ءوزىنىڭ الەۋەتىن بارىنشا ءتيىمدى پايدالانۋى ءتيىس.

شەكارا ماڭىنداعى اۋماقتار مەن تۋريستىك الەۋەتى جوعارى وڭىرلەرگە ەرەكشە كوڭىل بولىنەدى.

ۇكىمەت ارنايى ەكونوميكالىق جانە يندۋستريالىق ايماقتاردىڭ مۇمكىندىگىن پايدالانىپ، ساۋدا، وڭدەۋ ونەركاسىبى جانە كاسىپكەرلىك باعىتىنداعى زاماناۋي ورتالىقتاردى قالىپتاستىرۋ قاجەت دەپ سانايدى.

ساۋدا جانە ينتەگراتسيا مينيسترلىگىنە بەرىلگەن تاپسىرمالاردىڭ ورىندالۋىن ۇيلەستىرۋ جانە باقىلاۋدى قامتاماسىز ەتۋ جۇكتەلدى.

شاعىن جانە ورتا بيزنەستى دامىتۋ ماسەلەسىنە دە ەرەكشە نازار اۋدارىلدى. پرەمەر-ءمينيستردىڭ ايتۋىنشا، كاسىپكەرلەر ءوز باستامالارىن جۇزەگە اسىرىپ، ءوندىرىس كولەمىن ۇلعايتۋ ءۇشىن قاجەتتى قولداۋعا يە بولۋى كەرەك.

مەملەكەتتىك ورگاندار «اتامەكەن» ۇلتتىق كاسىپكەرلەر پالاتاسىمەن بىرلەسىپ، وڭىرلەردەگى بيزنەسپەن ءوزارا جۇمىستى جالعاستىرىپ، تۋىندايتىن ماسەلەلەردى جەدەل شەشۋگە كۇش سالادى.

ساۋدا مەن كاسىپكەرلىكتى دامىتۋ ەلدەگى ىسكەرلىك بەلسەندىلىكتى ارتتىرىپ، ەكونوميكانىڭ تۇراقتى وسۋىنە ىقپال ەتەتىن نەگىزگى فاكتورلاردىڭ ءبىرى بولادى.

Abai.kz