«ۇلىلىق» سيندرومى

ءارتۇرلى ەلدەر بار...

ءبىرى - يمپەريالىق سيندروممەن اۋىرادى، ءبىرى - ۇلىدەرجاۆالىق استامشىلىق ۆيرۋسىن جۇقتىرعان...

كەزىندە لەنين دە جازعان: «از حالىقتاردىڭ ۇلتشىلدىعى ۇلىلىققا ۇشتاسادى»،  - دەپ...

ءسىرا، ول دۇرىس جازعان سياقتى.

بۇگىندە «يمپەريالىق سيندروم» دەگەن اۋرۋ قايتا شىقتى...

تاۋەلسىزدىكتەن كەيىن پايدا بولعان «ءوز تاريحىن قايتا قاراۋ» كەزىندە - ءبىزدىڭ كورشى حالىقتاردىڭ كەيبىر تاريحشىلارىنا «ۇلىلىق سيندرومى» دەگەن ۆيرۋس جۇعىپ، ولار وسىعان بوي الدىرا باستاعانى كورىنۋدە...

(نەگىزى، بۇل ۇلىلىق جەتىسپەگەن جاعدايدا ورىن الادى)...

بۇل «سيندرومنان» كەلتە ويلايتىن قىرعىز عالىمدارى دا تىسقارى قالمادى.

ارينە، قىرعىز تاريحى ۇنەمى قازاق تاريحىمەن جالعاسىپ جاتاتىنى سەبەپتى، ولار وزدەرىنىڭ «ۇلى تاريحىن» قازاق تاريحى ەسەبىنەن ىسكە اسىرۋعا كىرىستى...

باسقا جولى جوق قوي...

ءسويتىپ، قىرعىزدىڭ بۇل «تاريحشىلارى» قازاقتىڭ ەڭ «جاندى جەرى» - كەنەسارى حاننىڭ وقيعاسىن تاڭداپ الدى...

وسىدان باستالعان دابىرا، ەندى، جالعاسا كەلە - قازاق رامىزدەرىن قورلاۋعا، ونىڭ قۇنىن تومەندەتۋگە دەيىن جالعاسىپتى...

ء(بىزدىڭ تۋدى اتقا جابۋ رەتىندە قولدانعان سۋرەتتەرى الەۋمەتتىك جەلىدە ءجۇر)

ءيا، ودان قازاقستاننىڭ حالىقارالىق بەدەلى تۇسە قالادى دەمەيمىز...

ودان ءبىزدىڭ ەندى شىنايى قالىپتاسا باستاعان، التىن ورداعا ۇشتاسقان ۇلى تاريحىمىز زارداپ شەگەدى دەي المايمىز...

ءبىز، قىرعىزداردىڭ بۇل ارەكەتىن، تىپتەن، ماسا شاققان قۇرلى كورمەيمىز، وعان دا تاتىمايدى دەي سالامىز...

تۇگىمىز قيسايمايدى...

بىراق، قىرعىزعا بىلاي ايتۋعا ءتيىستىمىز:

- تەنتەكتەرىڭدى تەزگە سالىڭدار;

- قانشاما «ۇلى بولام» دەسەڭدەر، وعان ەش شاتاعىمىز جوق.

بىراق ونى قازاق تاريحى ەسەبىنەن جاسايمىز دەگەندەرىڭ - سەندەردى «ۇلىلىققا» اپارمايدى - كەرى ەففەكتىگە تاپ بولسىڭدار!

تاريح ءۇشىن تالاستا «مەن مىقتىمىن» دەيتىن «ۇلىلىق سيندرومىن» جۇقتىرۋ وڭاي، ال ودان ارىلۋ ەندى قيىن بولا بەرەدى...

بۇل - ۇلتتى اقىر سوڭىندا كەرى كەتۋگە الىپ كەلەتىن قۇبىلىسقا اينالادى...

سوندىقتان، قىرعىز ۇلتشىلدارىنا «ەنتىكتەرىڭدى باسىڭدار» دەگەن دۇرىس سياقتى...

سىزدەر، ەگەر «ءوز مارتەبەڭىزدى كوتەرۋ ءۇشىن وزگەنى قورلاۋ قاجەت» دەپ تاپساڭىزدار، وندا «نىسانانى» دۇرىس تاڭداي المادىڭىزدار...

تۇتاس قازاقتىڭ ويى وسى!

ءابدىراشيت باكىرۇلى

Abai.kz