جاپونيادا ءوتىپ جاتقان ازيا ويىندارىندا قازاقستاندىق بوكسشى تورەحان سابىرحان قارسىلاس شاق كەلتىرمەي، ەل قورجىنىنا كەزەكتى التىندى سىيلادى.

70 كەلىگە دەيىنگى سالماق دارەجەسىندە ونەر كورسەتكەن جەرلەسىمىز فينالدىق جەكپە-جەكتە يوردانيا سپورتشىسى زياد يشايشپەن قولعاپ ءتۇيىستىردى. شابۋىل مەن قورعانىستى شەبەر ۇشتاستىرعان تورەحان قارسىلاسىن 5:0 ەسەبىمەن سەنىمدى تۇردە جەڭدى.

بۇل جەڭىس – قازاقستان قۇراماسى ءۇشىن ازياداداعى ونىنشى التىن جۇلدە.

سونىمەن قاتار بۇل تريۋمف وتاندىق بوكس شەجىرەسىندەگى ەرەكشە وقيعا بولىپ وتىر. بوكسشىلارىمىز اراعا 12 جىل سالىپ ازيا ويىندارىنىڭ ەڭ جوعارعى ساتىسىنا قايتا كوتەرىلدى. ەسكە سالا كەتەيىك، ۇلتتىق قۇراما 2014 جىلعى ازيا ويىندارىندا 6 التىن مەدال جەڭىپ السا، سودان كەيىنگى 2018 جانە 2022 جىلعى جارىستاردان چەمپيوندىق اتاقسىز ورالعان ەدى.

تورەحان سابىرحاننىڭ بۇل تاريحي جەڭىسى وتاندىق بوكس مەكتەبىنىڭ قايتا ورلەۋىن ايشىقتاپ، ەل جانكۇيەرلەرىنە ۇلكەن قۋانىش سىيلادى.

Abai.kz