قازاقستان قۇراماسى جاپونيانىڭ ناگويا جانە ايچي قالالارىندا وتكەن 20-جازعى ازيا ويىندارىنداعى جارىسىن اياقتادى. سوڭعى بولىپ ات سپورتىنىڭ وكىلدەرى سىنعا ءتۇستى. الايدا بۇل سپورت تۇرىنەن قازاقستاندىقتار جۇلدە الا المادى.

وسىلايشا قازاقستان قورجىنىنا 12 التىن، 24 كۇمىس جانە 48 قولا مەدال ءتۇسىپ، جالپى ەسەپتە ەل قۇراماسى 8-ورىنعا جايعاستى.

مەدال سانى بويىنشا قىتاي ءبىرىنشى ورىن الدى — 169 التىن، 89 كۇمىس، 83 قولا. ەكىنشى ورىندا جاپونيا، ءۇشىنشى ورىندا وڭتۇستىك كورەيا تۇر. وزبەكستان 21 التىن، 25 كۇمىس، 24 قولا مەدالمەن بەسىنشى ورىنعا يە بولدى.

قازاقستان ەڭ كوپ مەدالدى دزيۋدو مەن كۇرەستەن الدى — جەتى-جەتىدەن. بايداركا مەن كانوەدە ەسكەك ەسۋدەن التى مەدال، ال سەمسەرلەسۋ، بوكس جانە دجيۋ-دجيتسۋدان بەس-بەستەن جۇلدە بۇيىردى.

Abai.kz