الماتى تاۋلارىندا جوعالعان وڭتۇستىك كورەيا ازاماتىن ىزدەۋ جۇمىستارىنىڭ ءجۇرىپ جاتقانىنا دەرلىك ءبىر اپتا بولدى، دەپ حابارلايدى اگەنتتىك ءتىلشىسى.

«قۇتقارۋشىلار كورەيا رەسپۋبليكاسىنىڭ ازاماتىن ىزدەۋ شەڭبەرىندە تاۋلى ايماقتى تەكسەرۋدى جالعاستىرۋدا. جۇمىستار رەلەفتىڭ كۇردەلىلىگى، اۋماقتىڭ اۋقىمدىلىعى جانە بيىكتىكتىڭ كەنەت اۋىتقۋى جاعدايىندا جۇرگىزىلىپ جاتىر. ءوتۋى قيىن ۋچاسكەلەرگە، تاۋ باۋرايلارىنا، ساي-سالالارعا جانە ءجۇرىپ-تۇرۋ كۇردەلى باسقا دا ورىندارعا ەرەكشە نازار اۋدارىلۋدا»، — دەپ حابارلايدى قازاقستان توتەنشە جاعدايلار مينيسترلىگىنىڭ ءباسپاسوز قىزمەتى.

ۆەدومستۆو مالىمەتىنشە، ىزدەستىرۋ-قۇتقارۋ جۇمىستارىنا تجم كۇشتەرى مەن قۇرالدارى، 88-گە جۋىق ەرىكتى، 10 تەحنيكا، 3 كينولوگيالىق ەسەپ جانە 7 ۇشقىشسىز ۇشۋ اپپاراتى تارتىلعان.

«ىزدەۋ جۇمىستارى ۇزدىكسىز جۇرگىزىلۋدە. جۇمىلدىرىلعان كۇشتەر مەن قۇرالدار تاۋلى ۋچاسكەلەردى كەزەڭ-كەزەڭىمەن تەكسەرىپ جاتىر. ىزدەستىرۋ-قۇتقارۋ وپەراتسياسىنىڭ بارىسى تجم-ءنىڭ تۇراقتى باقىلاۋىندا»، — دەپ تولىقتىردى مينيسترلىكتەگىلەر.

ەسكە سالا كەتەيىك، 1953 جىلى تۋعان وڭتۇستىك كورەيا ازاماتىنىڭ جوعالعانى تۋرالى اقپارات قۇتقارۋشىلارعا 29 قىركۇيەكتە تۇسكەن بولاتىن.

Abai.kz