قازاقستاندا شەتەلدىكتەرگە جسن بەرۋ ەرەجەلەرىن وزگەرتپەك. جاڭا تالاپتار جسن راسىمدەۋ كەزىندە شەتەلدىكتەردىڭ كوشى-قون مارتەبەسىن تەكسەرۋگە مۇمكىندىك بەرەدى.

قازاقستان ءىىم جەكە سايكەستەندىرۋ ءنومىرىن (جسن) راسىمدەۋ نەمەسە تۇزەتۋ كەزىندە شەتەلدىكتەر مەن ازاماتتىعى جوق ادامداردىڭ ەلدە زاڭدى تۇردە جۇرگەنىن تەكسەرۋدى ۇسىنادى. تىركەۋگە قاتىستى بۇيرىق جوباسى «اشىق نپا» پورتالىندا جاريالاندى.

جوباعا سايكەس، بۇل مەملەكەتتىك قىزمەتتى كورسەتۋ كەزىندە ۋاكىلەتتى ورگاندار ءوتىنىش بەرۋشىنىڭ قازاقستاندا زاڭدى تۇردە بولۋىن نەمەسە تۇرۋىن تەكسەرەتىن بولادى.

ىشكى ىستەر مينيسترلىگى جاڭا تالاپتار جسن راسىمدەۋ كەزىندە شەتەلدىكتەردىڭ كوشى-قون مارتەبەسىن تەكسەرۋگە جانە مەملەكەتتىك ورگاندار قىزمەت كورسەتۋ بارىسىندا پايدالاناتىن مالىمەتتەردىڭ شىنايىلىعىن ارتتىرۋعا مۇمكىندىك بەرەتىنىن ءتۇسىندىردى.

ازىرگە قۇجات قابىلدانعان جوق، سوندىقتان جاڭا تالاپتار ءالى قولدانىسقا ەنگىزىلگەن جوق.

Abai.kz