10 قازاندا Jetour EcoCrew ەكولوگيالىق باستاماسى الماتى مەن استانا تۇرعىندارىن تابيعاتتى قورعاۋ جولىندا بىرىكتىردى.

130-دان استام ادام مەن Jetour X70, X70 Plus, T1 جانە T2 كولىكتەرىنىڭ 50 يەسى تازالىق جۇمىستارىنا قاتىستى. الماتى ماڭىنداعى قۇرتى سۋ قويماسى مەن استانا ىرگەسىندەگى تايتوبە اۋماعىندا وتكەن شارا ناتيجەسىندە 800-دەن استام قاپ قوقىس جينالدى. ونىڭ جالپى سالماعى 2,5 توننادان استى. جينالعان قالدىقتاردىڭ اراسىندا پلاستيك، شىنى جانە باسقا دا تۇرمىستىق قوقىس بار.

قورشاعان ورتانىڭ لاستانۋى – بۇكىل الەمگە ورتاق ماسەلە. الايدا تابيعاتتىڭ تازالىعى ءار ادامنىڭ كۇندەلىكتى ارەكەتىنە دە بايلانىستى. قوقىستى كەز كەلگەن جەرگە تاستاۋ نەمەسە وزىمەن بىرگە الىپ كەتۋ، لاستانعان اۋماقتى كورسە دە وتە شىعۋ نەمەسە تازالىققا ۇلەس قوسۋ – مۇنىڭ ءبارى قورشاعان ورتاعا دەگەن كوزقاراستى كورسەتەدى. قۇرتى سۋ قويماسى مەن تايتوبەدە وتكەن ەكولوگيالىق اكتسيا وسى جاۋاپكەرشىلىكتىڭ ماڭىزىن تاعى ءبىر اڭعارتتى.

مۇنداي باستامالار وزگەلەرگە دە ۇلگى بولا الادى. جۇزدەن استام ادامنىڭ ءبىر ماقساتپەن جينالىپ، تابيعاتتى تازارتۋعا كىرىسۋى اينالاسىنداعى تالاي جاندى وسىنداي يگى ىسكە ىنتالاندىرۋى مۇمكىن. ويتكەنى دەمالىس ورىندارىنىڭ تازالىعى تەك ارنايى قىزمەتتەردىڭ جۇمىسىنا ەمەس، سول جەرگە كەلگەن ءار ادامنىڭ مادەنيەتىنە دە بايلانىستى. قوقىستى شاشپاي، اينالانى تازا ۇستاۋ، تازالىق جۇمىستارىنا اتسالىسۋ، ەكولوگيالىق شارالارعا قاتىسۋ – تابيعاتقا جاناشىرلىقتىڭ قاراپايىم كورىنىسى.

بيزنەستىڭ الەۋمەتتىك جاۋاپكەرشىلىگى قوعامعا پايدالى ىستەردى قولداۋدان دا كورىنەدى. Jetour EcoCrew كوپشىلىكتىڭ باسىن قوسىپ، تابيعاتتى قورعاۋ باستاماسىن ءىس جۇزىندە جۇزەگە اسىرادى. مۇندا ەكولوگيا تۋرالى ايتىپ قانا قويماي، ءار قاتىسۋشىنىڭ ءوز قولىمەن يگى ىسكە ۇلەس قوسۋىنا مۇمكىندىك بار.
تابيعاتقا جاناشىرلىقتى كەلەر ۇرپاقتىڭ بويىنا ءسىڭىرۋ دە ماڭىزدى. بالالار مەن جاسوسپىرىمدەر ۇلكەندەردىڭ ىسىنە قاراپ ۇيرەنەدى. ەرەسەكتەر دەمالىس ورنىن تازا ۇستاپ، قورشاعان ورتاعا ۇقىپتىلىق تانىتسا، بالا دا تابيعاتتى قورعاۋدىڭ كۇندەلىكتى ءومىردىڭ ءبىر بولىگى ەكەنىن تۇسىنەدى. ويتكەنى كوپ ايتىلعان اقىلدان ءبىر كورسەتكەن ونەگە ارتىق.

ەكولوگيالىق باستامالار جالعاسىپ كەلەدى

Jetour EcoCrew مۇنداي شارانى العاش رەت وتكىزىپ وتىرعان جوق. 2025 جىلدىڭ تامىزىندا باستاماعا قاتىسۋشىلار ىلە وزەنىنىڭ جاعاسىنان 50-دەن استام قاپ قوقىس جيناعان. ال 2026 جىلدىڭ مامىرىندا سول اۋماقتا تاعى ءبىر تازالىق جۇمىسى ۇيىمداستىرىلىپ، شامامەن 500 مىڭ شارشى مەتر جەر تازارتىلدى. سول كەزدە ەكى توننادان استام قالدىق شىعارىلعان. اكتسياعا 90 ادام مەن Jetour T2 ماركالى 30 كولىك قاتىسقان.

10 قازانداعى شارا جوبانىڭ اياسىن كەڭەيتىپ، الماتى مەن استاناداعى Jetour X70, X70 Plus, T1 جانە T2 يەلەرىن ءبىر ماقساتقا بىرىكتىردى. قاتىسۋشىلاردىڭ ورتاق ۇستانىمى – ەكولوگيا تۋرالى سوزبەن شەكتەلمەي، ناقتى ىسكە كىرىسۋ جانە وزگەلەرگە ۇلگى بولۋ.

Jetour EcoCrew — "جاۋاپتى ساياحات" قاعيداسىن ۇستاناتىن جانداردىڭ باسىن قوسادى. ساياحاتتىڭ ءمانى تەك جاڭا جەرلەردى كورۋ مەن جاقسى اسەر الۋدا ەمەس. تابيعات اياسىنان قايتقاندا، سول جەردى قالاي قالدىرعانىمىز دا ماڭىزدى. قورشاعان ورتاعا قامقورلىق تانىتۋ ءار ساپاردىڭ اجىراماس بولىگىنە اينالۋى كەرەك.

Jetour قاتارىنا قوسىلىپ، جايلى دا اسەرلى ساياحاتتارعا جول اشىڭىز. Jetour كولىكتەرىنىڭ قولدانىستاعى باعالارى مەن قارجىلاندىرۋ باعدارلامالارى تۋرالى تولىق اقپاراتتى jetour-auto.kz سايتىنان نەمەسە قازاقستاننىڭ رەسمي ديلەرلىك ورتالىقتارىنان بىلۋگە بولادى.

Abai.kz