قازاقستان بۇۇ قاۋىپسىزدىك كەڭەسىندە تاياۋ شىعىستاعى جاعدايعا قاتىستى ۇستانىمىن ءبىلدىردى.

قازاقستاننىڭ بۇۇ جانىنداعى تۇراقتى وكىلى قايرات وماروۆ بۇۇ قاۋىپسىزدىك كەڭەسىنىڭ تاياۋ شىعىستاعى جاعدايعا، سونىڭ ىشىندە پالەستينا ماسەلەسىنە ارنالعان اشىق پىكىرتالاسىندا ءسوز سويلەدى.

ق. وماروۆ قازاقستاننىڭ ۇستانىمى ساياسي-ديپلوماتيالىق رەتتەۋدى قولداۋعا، جاعدايدىڭ ودان ءارى شيەلەنىسۋىنە جول بەرمەۋگە جانە «ەكى مەملەكەت» شەشىمىن ىسكە اسىرۋعا نەگىزدەلگەنىن اتاپ ءوتتى. سونىمەن قاتار ول نيۋ-يورك دەكلاراتسياسىنىڭ ماڭىزدىلىعىن، بەيبىت تۇرعىنداردى قورعاۋدى، گۋمانيتارلىق كومەكتى كەدەرگىسىز جەتكىزۋدى جانە بۇۇ-نىڭ، سونىڭ ىشىندە بۇۇ-نىڭ تاياۋ شىعىستاعى پالەستينالىق بوسقىندارعا كومەك كورسەتۋ جانە جۇمىستاردى ۇيىمداستىرۋ اگەنتتىگىنىڭ (بۇتشبا) ورتالىق رولىمەن گازا سەكتورىن قالپىنا كەلتىرۋدىڭ ماڭىزىن باسا ايتتى.

قازاقستان گازانى تۇراقتاندىرۋ مەن قالپىنا كەلتىرۋگە، سونىڭ ىشىندە ازىق-تۇلىك قاۋىپسىزدىگى مەن تسيفرلاندىرۋ سالالارىندا، شتاب-پاتەرى استانادا ورنالاسقان ازىق-تۇلىك قاۋىپسىزدىگى جونىندەگى يسلام ۇيىمىنىڭ الەۋەتىن پايدالانا وتىرىپ، پراكتيكالىق ۇلەس قوسۋعا دايىن ەكەنىن راستادى.

بۇدان بولەك، قازاقستاننىڭ بەيبىتشىلىك پروتسەسىن قولداۋدىڭ قوسىمشا پلاتفورماسى رەتىندە اۆراام كەلىسىمدەرىنە قوسىلۋ نيەگى بار ەكەنى اتاپ ءوتىلدى.

قورىتىندىلاي كەلە، قازاقستان بارلىق تاراپتاردى بارىنشا ۇستامدىلىق تانىتۋعا، ديالوگ پەن ديپلوماتياعا باسىمدىق بەرۋگە شاقىردى جانە تاياۋ شىعىستاعى بەيبىتشىلىك پەن تۇراقتىلىقتى قولداۋ جولىندا سىندارلى ءوزارا ءىس-قيمىلدى جالعاستىرۋعا دايىن ەكەنىن راستادى.

Abai.kz