الماتى قالاسى بوستاندىق اۋدانى بويىنشا مەملەكەتتىك كىرىستەر باسقارماسى سالىق تولەۋشىلەرگە باقىلاۋ-كاسسالىق ماشينالاردىڭ (بكم) چەكتەرىنىڭ مازمۇنىنا قويىلاتىن تالاپتاردىڭ وزگەرگەنى تۋرالى حابارلايدى.

2026 جىلى كاسسالىق چەكتەردى رەسىمدەۋ تالاپتارىنا، ونىڭ ىشىندە وتكىزىلەتىن تاۋارلار تۋرالى مالىمەتتەردى ۇلتتىق تاۋارلار كاتالوگىنا (ۇتك) سايكەس كورسەتۋگە قاتىستى وزگەرىستەر كوزدەلگەن.

نورماتيۆتىك-قۇقىقتىق رەتتەۋ

بكم قولدانۋ ءتارتىبى جانە كاسسالىق چەكتەردىڭ مازمۇنىنا قويىلاتىن تالاپتار قازاقستان رەسپۋبليكاسىنىڭ 2025 جىلعى 18 شىلدەدەگى № 214-VIII قرز سالىق كودەكسىمەن، سونداي-اق قازاقستان رەسپۋبليكاسى قارجى ءمينيسترىنىڭ 2025 جىلعى 24 قازانداعى № 626 «باقىلاۋ-كاسسا ماشينالارىن قولدانۋعا بايلانىستى كەيبىر ماسەلەلەر تۋرالى» بۇيرىعىمەن رەتتەلەدى.

قازاقستان رەسپۋبليكاسى قارجى ءمينيسترىنىڭ مىندەتىن اتقارۋشىنىڭ 2026 جىلعى 1 قىركۇيەكتەگى № 595 بۇيرىعىمەن № 626 بۇيرىققا وزگەرىستەر ەنگىزىلدى.

كاسسالىق چەكتە كورسەتىلەتىن مالىمەتتەر

بەلگىلەنگەن تالاپتارعا سايكەس كاسسالىق چەكتە زاڭنامادا كوزدەلگەن دەرەكتەمەلەر، ونىڭ ىشىندە تاۋار، جۇمىس نەمەسە كورسەتىلەتىن قىزمەت تۋرالى مالىمەتتەر، ولاردىڭ سانى مەن قۇنى، سونداي-اق ءتيىستى سايكەستەندىرۋ دەرەكتەرى كورسەتىلەدى.

ۇتك-عا سايكەس مالىمەتتەرى كورسەتىلۋگە ءتيىس تاۋارلار بويىنشا ولاردىڭ اتاۋى مەن سايكەستەندىرۋ كودىنىڭ دۇرىس كورسەتىلۋىن قامتاماسىز ەتۋ قاجەت. مىندەتتى تاڭبالاۋعا جاتاتىن تاۋارلارعا قاتىستى سايكەستەندىرۋ قۇرالدارى بويىنشا بەلگىلەنگەن تالاپتار دا ەسكەرىلەدى.

چەكتەردى قالىپتاستىرۋدى اۆتوماتتاندىرۋ

كاسسالىق جابدىق ءتيىستى تۇردە باپتالىپ، قاجەتتى اقپاراتتىق سەرۆيستەرمەن ينتەگراتسيالانعان جاعدايدا، شتريحكودتى سكانەرلەۋ ارقىلى تاۋار تۋرالى مالىمەتتەر اۆتوماتتى تۇردە تولتىرىلۋى مۇمكىن. بۇل اقپاراتتى قولمەن ەنگىزۋ كولەمىن ازايتۋعا جانە قاتەلەردىڭ ىقتيمالدىعىن تومەندەتۋگە مۇمكىندىك بەرەدى.

كاسىپكەرلەرگە ارنالعان ۇسىنىمدار

الماتى قالاسى بوستاندىق اۋدانى بويىنشا مەملەكەتتىك كىرىستەر باسقارماسى كاسىپكەرلەرگە پايدالانىلاتىن كاسسالىق جابدىقتىڭ قولدانىستاعى تالاپتارعا سايكەستىگىن تەكسەرۋدى، بكم جەتكىزۋشىلەرى مەن فيسكالدىق دەرەكتەر وپەراتورلارىنان قاجەتتى دەرەكتەمەلەرى بار چەكتەردى قالىپتاستىرۋ مۇمكىندىگىن ناقتىلاۋدى جانە قاجەت بولعان جاعدايدا باعدارلامالىق قامتاماسىز ەتۋدى ۋاقتىلى جاڭارتۋدى ۇسىنادى.

الماتى قالاسى بوستاندىق اۋدانى بويىنشا مەملەكەتتىك كىرىستەر باسقارماسى

Abai.kz