2003 ج. بۇۇ ميسسياسىمەن يراككقا ەنگەن قازبات ساربازدارى وزدەرىنىڭ بىتىمگەرشىلىك قىزمەتىن ۇنەمى كەڭەيتۋدە. ولار بۇگىنگى كۇنگە دەيىن باتىس ساحارادا، كوت‑د،يۆۋاردا، ليۆاندا، ماليدە، ورتالىق افريكا مەملەكەتىندە، كونگودا، وڭتۇستىك ليۆاندا جانە تفياۋ شىعىستا ميسسياسىن جالعاستىرۋدا.

بۇل جەردە ليۆانداعى ميسسيانى ەرەكشە اتاپ وتۋگە بولادى. ول جەردە، 2018 جىلى، قازاقستاندىق جاۋىنگەرلەر العاش رەت ميسسياسىن وزگە ەلدەردىڭ جاۋىنگەرلەرىمەن ءبىر ساپتا تۇرىپ اتقاردى.

ال، قازاقستان اتىنان «قازبات» العاش رەت  ءوز الدىنا جەكە تاپسىرما الىپ، گولان بيىكتىگىندە ەكى ەل اراسىنداعى شيەلەنىستى بولدىرماۋ ماقساتىندا قىزمەت ەتتى. ءسويتىپ، «قازباتتىڭ» ايرىقشا قىزمەتى باستالدى. بۇل ‑ 2024 ج.

بۇل قازاقستان قارۋلى كۇشتەرىنىڭ تەك قانا اسكەري باقىلاۋشى ەمەس، وزگە دە اسكەري وپەراتسيالارعا ءوز بەتىمەن قاتىسا الاتىندىعىن، ءوز الدىنا اسكەري كۇش بولا الاتىنىن كورسەتتى.

«قازباتتى» وزگە ەلدەردىڭ اسكەريلەرىمەن سالىستىرۋعا بولا ما؟

بۇل جاعدايدا قازاقستاندىق كونتينگەنتتى تەك سانى جاعىنان ەمەس، ساپالىق تۇرعىدان باعالاۋ ورىندى دەسەك بولادى. تەك سوندا عانا بۇۇ الدىندا سەنىم بار. الەمدە بىزدەن دە سانى كوپ بىتىمگەر اسكەري كونتينگەنتتەرى بار مەملەكەتتەر از ەمەس.  ماسەلەن، ولاردىڭ اراسىندا نەپال، بانگلادەش، ينديا، پاكيستان، رۋاندا سياقتى حالقىنىڭ سانى كوپ ەلدەر بار. ولاردىڭ جانىندا قازاقستان ونداي سانعا يە ەمەس. مىسالى، ءبىزدىڭ ەل بۇۇ‑دا بۇل كورەتكىش بويىنشا ء51‑شى ورىندا تۇر. وندا 153 اسكەري مامان تىركەلگەن.

بىراق، سان تەك قوسالقى كورسەتكىش سانالادى. وسى جاعىنان ءبىزدىڭ ساربازداردىڭ باسىمدىق جاعى مىنادان كورىنەدى:

• كاسىبي دەڭگەيدىڭ جوعارىلىعى;
• ءوز الدىنا تاۋەلسىز اسكەري قۇراما رەتىندە ىس‑قيمىلعا بارۋ قابىلەتىنىڭ جوعارىلىعى;
• بارلىق ەلدەردىڭ قارۋلى كۇشتەرىمەن ۇيلەسىمدى ارەكەت جاساۋ مۇمكىندىگىنىڭ جوعارىلىعى;
• ءوز بەدەلىنە نۇسقان كەلتىرمەيتىندەي ءتارتىپتىڭ بولۋى، ءوز ەلىنىڭ ابىرويىن اسقاقتاتۋ پاتريوتتىق سەزىمىنىڭ جوعارىلىعى.

مىنە، قازاقستاندىق بىتىمگەر كۇشتەردىڭ قىزمەتىنە باعا بەرگەن بارلىق اسكەري ساراپشىلار ءبىزدىڭ «قازباتقا» وسىنداي باعا بەرۋمەن كەلەدى.

سونىمەن قاتار، قازاقستاندىق ساربازداردىڭ كەز كەلگەن جاڭا تەحنيكانى تەز مەڭگەرىپ، ونى ونى تاكتيكالىق تۇرعىدا  شەبەر قولدانا الاتىن قابىلەتىن دە ەرەكشە اتاپ وتۋدە.

بۇل بەكەر ايتىلعان ءسوز ەمەس. ويتكەنى، ءبىزدىڭ «قازبات» ساربازىنىڭ ارقايسىسى ۇزاق جىلداردا ارنايى ءبىلىم العان، اسكەري تاجىريبەدەن وتكەن سايدىڭ تاسىنداي جاۋىنگەر جىگىتتەردەن قۇرالادى. ولار الەمدەگى اسكەري سالانىڭ بارلىق قىر‑سىرىن مەڭگەرە كەلە – بىتىمگەرشىلىك كونتينگەنتى قۇرامىنا ەنەدى.

بۇل تاۋەلسىز قازاقستاننىڭ بۇۇ ميسسياسى الدىنداعى جاۋاپكەرشىلىكتى ايقىن سەزىنۋىنىڭ، ءارى، ەلىمىزدىڭ بەيبىتشىلىك ساياساتىنىڭ جارقىن كورىنىسىنىڭ ءتۇيىنى.

ال، «قازبات» ساربازدارى – وسىنىڭ الەمدەگى ەلشىسى.

ولار قازاقستان قارۋلى كۇشتەرىنىڭ ەليتاسى دەسە بولادى!

Abai.kz