استانا. 17 قاراشا. قازتاگ – دينا ەرماعانبەتوۆا. . پارلامەنت ءماجىلىسى سەيسەنبى كۇنى كەڭەيتىلگەن وتىرىسىندا «بوسقىندار تۋرالى» زاڭ جوباسىن ەكىنشى وقىلىمدا ماقۇلدادى. قۇجات قازاقستاننىڭ بوسقىنداردىڭ مارتەبەسى تۋرالى كونۆەنتسيانى بەكىتۋ ارقىلى وزىنە العان مىندەتتەمەلەرگە ساي جاسالدى.

زاڭ جوباسىندا قۇزىرەتتى ورگانداردىڭ بوسقىن مارتەبەسىن بەرۋ تۋرالى شەشىم قابىلداۋ مەرزىمى تىركەلگەن كۇننەن باستاپ 3 ايعا دەيىن ۇزارتىلعان. تۇلعانىڭ كىم ەكەنىن انىقتاۋ نەمەسە تەكسەرۋدى قاجەت ەتەتىن فاكتىلەردى ايقىنداۋ ءۇشىن بوسقىن مارتەبەسىن الۋ تۋرالى وتىنىشتەردى قاراۋ مەرزىمى اقتىق شەشىم قابىلداۋ ءۇشىن ءبىر جىلعا دەيىن ۇزارتىلىپ، تۇلعادان بوسقىن مارتەبەسىن الىپ تاستاۋدىڭ قوسىمشا نەگىزدەرى ايقىندالدى.

زاڭ جوباسى اتالعان كاتەگورياداعى تۇلعالاردى قورعاۋ جانە ولاردىڭ قازاقستان تەرريتورياسىنداعى نەگىزگى قۇقىقتارى مەن مىندەتتەرىن قاراستىرادى.

حالىقارالىق قۇقىقتىڭ نورمالارىنا ساي، بوسقىندارعا جول ءجۇرۋ قۇجاتىن ەنگىزۋ جوبالانعان. زاڭ جوباسىندا قازاقستانعا اتا-انالارىنسىز نەمەسە زاڭدى وكىلدەرىنسىز كەلگەن بوسقىن بالالارعا قاتىستى دا قورعاۋ شارالارى قاراستىرىلعان.

اتالعان قۇجاتتى كۇشىنە 2010 جىلدىڭ 1-ءشى قاڭتارىنان ەنگىزۋ بولجانعان. ونى ىسكە اسىرۋعا بيۋدجەتتەن 3 ملن 718 مىڭ تەڭگە ءبولۋ جوسپارلانعان. وعان بوسقىنداردىڭ جەكە كۋالىكتەرىن دايىنداۋ، ءتارجىماشىلار قىزمەتى، جول ءجۇرۋ قۇجاتتارىن دايىنداۋ كىرەدى.

استانا. 17 قاراشا. قازتاگ – دينا ەرماعانبەتوۆا. . پارلامەنت ءماجىلىسى سەيسەنبى كۇنى كەڭەيتىلگەن وتىرىسىندا «بوسقىندار تۋرالى» زاڭ جوباسىن ەكىنشى وقىلىمدا ماقۇلدادى. قۇجات قازاقستاننىڭ بوسقىنداردىڭ مارتەبەسى تۋرالى كونۆەنتسيانى بەكىتۋ ارقىلى وزىنە العان مىندەتتەمەلەرگە ساي جاسالدى.

زاڭ جوباسىندا قۇزىرەتتى ورگانداردىڭ بوسقىن مارتەبەسىن بەرۋ تۋرالى شەشىم قابىلداۋ مەرزىمى تىركەلگەن كۇننەن باستاپ 3 ايعا دەيىن ۇزارتىلعان. تۇلعانىڭ كىم ەكەنىن انىقتاۋ نەمەسە تەكسەرۋدى قاجەت ەتەتىن فاكتىلەردى ايقىنداۋ ءۇشىن بوسقىن مارتەبەسىن الۋ تۋرالى وتىنىشتەردى قاراۋ مەرزىمى اقتىق شەشىم قابىلداۋ ءۇشىن ءبىر جىلعا دەيىن ۇزارتىلىپ، تۇلعادان بوسقىن مارتەبەسىن الىپ تاستاۋدىڭ قوسىمشا نەگىزدەرى ايقىندالدى.

زاڭ جوباسى اتالعان كاتەگورياداعى تۇلعالاردى قورعاۋ جانە ولاردىڭ قازاقستان تەرريتورياسىنداعى نەگىزگى قۇقىقتارى مەن مىندەتتەرىن قاراستىرادى.

حالىقارالىق قۇقىقتىڭ نورمالارىنا ساي، بوسقىندارعا جول ءجۇرۋ قۇجاتىن ەنگىزۋ جوبالانعان. زاڭ جوباسىندا قازاقستانعا اتا-انالارىنسىز نەمەسە زاڭدى وكىلدەرىنسىز كەلگەن بوسقىن بالالارعا قاتىستى دا قورعاۋ شارالارى قاراستىرىلعان.

اتالعان قۇجاتتى كۇشىنە 2010 جىلدىڭ 1-ءشى قاڭتارىنان ەنگىزۋ بولجانعان. ونى ىسكە اسىرۋعا بيۋدجەتتەن 3 ملن 718 مىڭ تەڭگە ءبولۋ جوسپارلانعان. وعان بوسقىنداردىڭ جەكە كۋالىكتەرىن دايىنداۋ، ءتارجىماشىلار قىزمەتى، جول ءجۇرۋ قۇجاتتارىن دايىنداۋ كىرەدى.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتتەرى بويىنشا، 1-ءشى قازاندا رەسپۋبليكادا تىركەلگەن بوسقىندار سانى - 622 ادام نەمەسە 243 وتباسى. ولاردىڭ نەگىزگى بولىگى -اۋعانستاننان شىققاندار. ۇلتتىق قۇرامى جاعىنان: تاجىكتەر(338 ادام), پۋشتۋندار (142), حازارلار (103), وزبەكتەر(26).

بوسقىنداردىڭ جالپى سانىنىڭ 64,6% (402 ادام) ەڭبەككە قابىلەتتىلەرى، ال جاسى 16-عا تولماعاندار - 4%.

سونىمەن قاتار، ءماجىلىس زاڭناماعا ەنگىزىلەتىن ىلەسپە تۇزەتۋلەردى دە ەكىنشى وقىلىمىندا ماقۇلدادى.