بۇل بارىپ تۇرعان ارانداتۋشىلىق
قۇرمەتتى پورتال تۇتىنۋشىلارى!
16-17 جەلتوقسان كۇندەرى جاقىنداعان سايىن الاڭدا بولۋى مۇمكىن باس كوتەرۋ جونىندە اڭگىمە ۇدەپ كەلەدى. ماسەلەن، بىرنەشە كۇن بويى ينتەرنەتتەن "قازاقستاندا 20 ملن. ۇيعىرعا ازاماتتىق بەرىلەدى، سوعان بايلانىستى قازاقتار الاڭعا شىعايىق" دەگەن ۇندەۋ تاراتىلىپ كەلەدى. بۇل، ءبىزدىڭ پايىمداۋىمىزشا، بەلگىلى ءبىر كۇشتەردىڭ تازا ارانداتۋشىلىعى! اقىلعا سيمايتىن نارسە ەمەس پە؟! سەبەبى، ۇيعىر ۇلتىنىڭ الەمدەگى جالپى سانى 20 ميلليونعا جەتپەيدى دە. سوندا 20 ملن. ۇيعىردى الىپ كەلەدى دەگەن اقپارات قايدان شىقتى؟
وسىنداي قيتۇرقى، اقىلعا قونبايتىن جاڭساق پىكىرلەر حالىقتى ارانداتىپ، كەلەڭسىز وقيعا بولا قالعان جاعدايدا مۇنى "ەل بىرلىگى" دوكتريناسىنىڭ قابىلدانۋىنا قارسى شىققان ازاماتتارعا اۋدارا سالۋ ءۇشىن جاسالعان قادام بولۋى دا ىقتيمال. نە بولماسا جاستاردى دۇرلىكتىرىپ،جوق جەردەن تاعى ءبىر ۇلتارازدىق كونفليكت شىعارۋ ماقساتىندا جاسالىپ وتىرعان شارا. بۇعان، شىنىن ايتۋ كەرەك، ىشتە دە، سىرتتا دا مۇددەلى كۇشتەر بار. سونىڭ ناتيجەسى بولۋى كەرەك، كەشەدەن بەرى ۇيعىر ازاماتتارى قاتتى الاڭداتۋشىلىق ءبىلدىرىپ بىزدەرگە قايتا-قايتا حابارلاسىپ جاتىر.
قۇرمەتتى پورتال تۇتىنۋشىلارى!
16-17 جەلتوقسان كۇندەرى جاقىنداعان سايىن الاڭدا بولۋى مۇمكىن باس كوتەرۋ جونىندە اڭگىمە ۇدەپ كەلەدى. ماسەلەن، بىرنەشە كۇن بويى ينتەرنەتتەن "قازاقستاندا 20 ملن. ۇيعىرعا ازاماتتىق بەرىلەدى، سوعان بايلانىستى قازاقتار الاڭعا شىعايىق" دەگەن ۇندەۋ تاراتىلىپ كەلەدى. بۇل، ءبىزدىڭ پايىمداۋىمىزشا، بەلگىلى ءبىر كۇشتەردىڭ تازا ارانداتۋشىلىعى! اقىلعا سيمايتىن نارسە ەمەس پە؟! سەبەبى، ۇيعىر ۇلتىنىڭ الەمدەگى جالپى سانى 20 ميلليونعا جەتپەيدى دە. سوندا 20 ملن. ۇيعىردى الىپ كەلەدى دەگەن اقپارات قايدان شىقتى؟
وسىنداي قيتۇرقى، اقىلعا قونبايتىن جاڭساق پىكىرلەر حالىقتى ارانداتىپ، كەلەڭسىز وقيعا بولا قالعان جاعدايدا مۇنى "ەل بىرلىگى" دوكتريناسىنىڭ قابىلدانۋىنا قارسى شىققان ازاماتتارعا اۋدارا سالۋ ءۇشىن جاسالعان قادام بولۋى دا ىقتيمال. نە بولماسا جاستاردى دۇرلىكتىرىپ،جوق جەردەن تاعى ءبىر ۇلتارازدىق كونفليكت شىعارۋ ماقساتىندا جاسالىپ وتىرعان شارا. بۇعان، شىنىن ايتۋ كەرەك، ىشتە دە، سىرتتا دا مۇددەلى كۇشتەر بار. سونىڭ ناتيجەسى بولۋى كەرەك، كەشەدەن بەرى ۇيعىر ازاماتتارى قاتتى الاڭداتۋشىلىق ءبىلدىرىپ بىزدەرگە قايتا-قايتا حابارلاسىپ جاتىر.
وسىعان وراي ايرىقشا قاداپ ايتامىز: "ەل بىرلىگى" ("قازاقستاندىق ۇلت") باستاماسىنا قارسى شىققان ازاماتتار ەش ۋاقىتتا باسقا ۇلتقا، ونىڭ مادەنيەتىنە، تىلىنە قارسى شىققان ەمەس. كەرىسىنشە، ولاردىڭ دا ەلدەگى اتىنىڭ، ءتىلىنىڭ، مادەنيەتىنىڭ ساقتالۋى ءۇشىن كۇرەسۋدە. بىزدەر اعايىن ۇيعىر حالقىنا قارسى ەمەسپىز. بىزدەر بارشانى قۇر ەموتسياعا نەگىزدەلگەن، قيسىنسىز، داۋرىقپا ۇرانداردان اۋلاق بولۋعا شاقىرامىز!
ەرتەڭدەرى كوپشىلىك ورىنداردا جينالعان، جەلتوقسان قۇرباندارىن ەسكە الىپ، ءتاۋ ەتكەن كەزدەرى وسىنداي اڭگىمەلەرگە بارمايىق، ساق بولايىق! ارامىزدا نەشە ءتۇرلى ارانداتۋشى دا بولۋى عاجاپ ەمەس: ولارعا تويتارىس بەرىپ، سابىرعا شاقىرىپ وتىرايىق! ەلىندە ءابسوليۋتتى كوپشىلىككە اينالعان قازاق ۇلتى بارلىق ماسەلەنى ەشكىمدى الالاماي، ەشكىمدى ۇرىپ-جىقپاي-اق شەشە الاتىن جاعدايعا كەلدىك. وسىنى سوزبەن دە، ىسپەن دە دالەلدەيىك!
"اباي-اقپارات"
