قازاقستان رەسپۋبليكاسىنىڭ پرەمەر ءمينيسترى ك. ماسىموۆكە
كوشىرمەسى:  قر پارلامەنت دەپۋتاتتارىنا

قۇرمەنتتى كارىم قاجىمۇقانۇلى!

بيىلعى قىس مونعولياعا ۇلكەن اپات الىپ كەلدى. ايازى 50 گرادۋسقا دەيىن جەتكەن اسا اۋىر قىستىڭ قاھارىنان  مال قىرىلا باستادى. مونعول جەرىندەگى شارۋاشىلىقتىڭ نەگىزى بولىپ تابىلاتىن، حالىقتىڭ باسىم كوپشىلىگىنىڭ اينالىساتىن كاسىبى دە، كۇنكورىسى دە مال ەكەندىگىن ەسكەرسەك، كوپتەگەن ايماقتاردا، شىن مانىسىندە، قىستالاڭ كەزەڭ ورنادى. كەيبىر جەرلەردە مال باسى تۇگەلگە جۋىق سۋىقتان قىرىلىپ قالىپ، سونىمەن كۇن كورىپ وتىرعان ادامداردىڭ ومىرلەرىنە دە قاۋىپ ءتوندى دەگەن حابارلاردى ەستيمىز.

مونعول جەرىندەگى تابيعات اپاتىنان تۋعان  قازىرگى جاعدايدى قازاق حالقى جاقسى تۇسىنەدى دەپ ويلايمىز. ءبىزدىڭ دە اتا-بابالارىمىز ساقىلداعان سارى ايازداردا مال باققان، تالاي سۋىقتار مەن جۇتتاردى، سونىڭ سالدارىنان پايدا بولعان اشتىقتاردى باستارىننان كەشىرگەن.  ونداي جاعدايعا ۇشىراعاندارعا كوپ بولىپ كومەك جاساۋ، ەلدەن جىلۋ جيناۋ - مال باققان ەلدىڭ قاسيەتتى پارىزى بولىپ سانالعان. اقپاراتتارعا جۇگىنسەك، كورشى ەلدەر، ونىڭ ىشىندە كورشىلەس جاتقان قىتاي مەن رەسەي مەملەكەتتەرى، حالىقارالىق ۇيىمدار  مونعول ەلىنىڭ باسىنا تۇسكەن وسى اپاتتى جەڭىلدەتۋ ءۇشىن قولدارىنان كەلگەن كومەكتەرىن بەرىپ جاتقانعا ۇكسايدى. تەك قانا قازاق ەلى ءۇنسىز وتىر...

قازاقستان رەسپۋبليكاسىنىڭ پرەمەر ءمينيسترى ك. ماسىموۆكە
كوشىرمەسى:  قر پارلامەنت دەپۋتاتتارىنا

قۇرمەنتتى كارىم قاجىمۇقانۇلى!

بيىلعى قىس مونعولياعا ۇلكەن اپات الىپ كەلدى. ايازى 50 گرادۋسقا دەيىن جەتكەن اسا اۋىر قىستىڭ قاھارىنان  مال قىرىلا باستادى. مونعول جەرىندەگى شارۋاشىلىقتىڭ نەگىزى بولىپ تابىلاتىن، حالىقتىڭ باسىم كوپشىلىگىنىڭ اينالىساتىن كاسىبى دە، كۇنكورىسى دە مال ەكەندىگىن ەسكەرسەك، كوپتەگەن ايماقتاردا، شىن مانىسىندە، قىستالاڭ كەزەڭ ورنادى. كەيبىر جەرلەردە مال باسى تۇگەلگە جۋىق سۋىقتان قىرىلىپ قالىپ، سونىمەن كۇن كورىپ وتىرعان ادامداردىڭ ومىرلەرىنە دە قاۋىپ ءتوندى دەگەن حابارلاردى ەستيمىز.

مونعول جەرىندەگى تابيعات اپاتىنان تۋعان  قازىرگى جاعدايدى قازاق حالقى جاقسى تۇسىنەدى دەپ ويلايمىز. ءبىزدىڭ دە اتا-بابالارىمىز ساقىلداعان سارى ايازداردا مال باققان، تالاي سۋىقتار مەن جۇتتاردى، سونىڭ سالدارىنان پايدا بولعان اشتىقتاردى باستارىننان كەشىرگەن.  ونداي جاعدايعا ۇشىراعاندارعا كوپ بولىپ كومەك جاساۋ، ەلدەن جىلۋ جيناۋ - مال باققان ەلدىڭ قاسيەتتى پارىزى بولىپ سانالعان. اقپاراتتارعا جۇگىنسەك، كورشى ەلدەر، ونىڭ ىشىندە كورشىلەس جاتقان قىتاي مەن رەسەي مەملەكەتتەرى، حالىقارالىق ۇيىمدار  مونعول ەلىنىڭ باسىنا تۇسكەن وسى اپاتتى جەڭىلدەتۋ ءۇشىن قولدارىنان كەلگەن كومەكتەرىن بەرىپ جاتقانعا ۇكسايدى. تەك قانا قازاق ەلى ءۇنسىز وتىر...

مونعول ەلى الىس شەتەلدىڭ ساناتىنا كىرسە دە، قازاق جەرىمەن شەكارالاس بولماسا دا ءبىزدىڭ ەڭ باۋارلاس ەلدەرىمىزدىڭ ءبىرى بولىپ سانالادى. ءبىز ارامىزداعى تاريحي-مادەني بايلانىستى ماقتان ەتەمىز، ارعى اتالارارىمىز كوك تۇرىكتىڭ العاشقى حاندارى مەن باسشىلارى كۇل تەگىن، بىلگە حان، تونى كوكتىڭ بەلگىلەرى تۇرعان مونعول جەرىنە ارقاشان قۇرمەتپەن قارايمىز. سونىمەن قاتار مونعول جەرىندە عاسىرلار بويى ءجۇز مىڭداعان قازاق دياسپوراسىنىڭ مونعول حالقىمەن تاتۋ ءتاتتى ءومىر ءسۇرىپ جاتقانىن قايتالاۋدان جالىقپايمىز.

ال بۇگىن سول دارحان دا جارقىن، باتىر دا اشىق مونعول حالقىنىڭ باسىنا قيىنشىلىق تۇسكەندە قازاق مەملەكەتىنىڭ سەلت ەتپەي وتىرۋى - ءومىرى وشپەيتىن ۇيات پەن ماسقارالىق بولىپ تابىلادى. سوندىقتان سىزدەن، ۇكىمەتتىڭ باسشىسى رەتىندە، تۋىسقان ەلگە تەز ارادا گۋمانيتارلىق كومەك جىبەرۋدى تالاپ ەتەمىز. سونىمەن قاتار قازاق مەملەكەتى بۇۇ مەن باسقا دا حالىقارالىق ۇيىمدارعا مونعولياداعى تابيعات اپاتىنا ۇشىراعان ادامدارعا جەدەل تۇردە كومەك كورسەتۋگە ۇيىتقى دا، تۇرتكى دە بولۋى كەرەك  دەپ ويلايمىز.

بيىل مونعوليادان قازاق جەرىنە قايتۋعا بەل بۋعان قانداستارىمىزدىڭ سانىنىڭ كۇرت كوبەيۋى مۇمكىن ەكەندىگىن دە ەستەن شىعارماۋىمىز قاجەت. وسى جاعدايعا بايلانىستى قر پارلامەنتىنىڭ ماجىلىسىندە مونعوليادان كەلەتىن ورالماندارعا بارىنشا جاعداي جاساۋ تۋرالى كوتەرىلگەن باستامانى تولىقتاي قولدايمىز.

رەسپۋبليكالىق «ۇلت تاعدىرى» قوزعالىسى