الماتى. 15 ناۋرىز. قازتاگ– ميتروپوليت مەفودي جەكسەنبى كۇنى الماتىداعى اۋليە – ۆوزنەسەنك سوبورىندا سوڭعى رەت قۇدايعا قۇلشىلىق ەتۋ ءراسىمىن وتكىزدى.

ول قاازقستاندىق دىنشىلدەرگە تۇسىنۋشىلىك پەن قولداۋ كورسەتكەنى ءۇشىن العىسىن ءبىلدىردى. «قازاقستان جەرىندە قىزمەت ەتكەن جەتى جىلىم مەن ءۇشىن باقىتتى جىلدار بولدى. الماتى مەن ءۇشىن جۇماقتىڭ ءبىر بولىگى ىسپەتتەس، سوندىقتان مەن جاڭا قىزمەت ورنىمدا دا وسى جىلىلىقتى سەزىنەتىن بولامىن»، - دەدى ول قوسشتاۋ سوزىندە. 

بۇرىن حابارلانعانداي، وتكەن سەنبىدە قازاقستان پرەزيدەنتى ءوزىنىڭ ەلورداداعى رەزيدەنتسياسىندا ميتروپوليت مەفوديدى قابىلدادى. نۇرسۇلتان نازارباەۆ ميتروپوليتكە دىنارالىق كەلىسىمگە قوسقان ۇلەسى ءۇشىن العىسىن ءبىلدىردى.

ەسكە سالا كەتسەك، قاسيەتتى سينود شەشىمىمەن مەفودي استانا جانە الماتى ەپارحياسىن باسقارۋدان بوساتىلىپ، پەرم جانە سوليكامسك ءميتروپوليتى ەتىپ تاعايىندالدى.

قازاقستاندىق كافەدرانى ەندى كوستروما مەن گاليتسين ارحيەپيسكوپى الەكساندر، قاراپايىم ومىردەگى الەكساندر گەنناديەۆيچ موگيليوۆ باسقاراتىن بولادى.

الماتى. 15 ناۋرىز. قازتاگ– ميتروپوليت مەفودي جەكسەنبى كۇنى الماتىداعى اۋليە – ۆوزنەسەنك سوبورىندا سوڭعى رەت قۇدايعا قۇلشىلىق ەتۋ ءراسىمىن وتكىزدى.

ول قاازقستاندىق دىنشىلدەرگە تۇسىنۋشىلىك پەن قولداۋ كورسەتكەنى ءۇشىن العىسىن ءبىلدىردى. «قازاقستان جەرىندە قىزمەت ەتكەن جەتى جىلىم مەن ءۇشىن باقىتتى جىلدار بولدى. الماتى مەن ءۇشىن جۇماقتىڭ ءبىر بولىگى ىسپەتتەس، سوندىقتان مەن جاڭا قىزمەت ورنىمدا دا وسى جىلىلىقتى سەزىنەتىن بولامىن»، - دەدى ول قوسشتاۋ سوزىندە. 

بۇرىن حابارلانعانداي، وتكەن سەنبىدە قازاقستان پرەزيدەنتى ءوزىنىڭ ەلورداداعى رەزيدەنتسياسىندا ميتروپوليت مەفوديدى قابىلدادى. نۇرسۇلتان نازارباەۆ ميتروپوليتكە دىنارالىق كەلىسىمگە قوسقان ۇلەسى ءۇشىن العىسىن ءبىلدىردى.

ەسكە سالا كەتسەك، قاسيەتتى سينود شەشىمىمەن مەفودي استانا جانە الماتى ەپارحياسىن باسقارۋدان بوساتىلىپ، پەرم جانە سوليكامسك ءميتروپوليتى ەتىپ تاعايىندالدى.

قازاقستاندىق كافەدرانى ەندى كوستروما مەن گاليتسين ارحيەپيسكوپى الەكساندر، قاراپايىم ومىردەگى الەكساندر گەنناديەۆيچ موگيليوۆ باسقاراتىن بولادى.

قازاقستاننىڭ پراۆوسلاۆتىق قوعامداستىعى بيلەۋشى مەفوديدىڭ قازاقستاننان رەسەيگە اۋىسۋىن ۇلكەن وكىنىشپەن قابىل الدى. قاۋىم ءدىندارلارى ونىڭ رەسپۋبليكاداعى قىزمەتى بارىسىندا كوپتەگەن ماڭىزدى وقيعالار ورىن الدى دەپ اتاپ وتەدى. قازاقستانعا 2003 جىلدىڭ مامىرىندا تاعايىندالعان سوڭ ول العاشقى جۇمىسىن 1921 جىلى جابىلىپ قالعان جەتىسۋدىڭ رۋحاني قاسيەتتى ورنى – يۆەر-سەرافيم ايەلدەر ءموناستىرىن قايتا قالپىنا كەلتىرۋدەن باستادى. وسىلايشا دالالىق ولكەدەگى موناح ءداستۇرىن جاڭعىرتۋ ءىسى باستالدى. 2004 جىلى ميتروپوليت ۇزاق جىلدار بويى تۇركىستان ەپارحياسىنىڭ كافەدرالدىق سوبورى بولىپ قىزمەت ەتكەن، الماتىداعى بۇزىلىپ كەتكەن سەنىم، ءۇمىت، ماحاببات جانە سوفيا حرامىنىڭ ىرگەسىن قالاۋدا تازارتۋ ءراسىمىن جۇرگىزدى.

ميتروپوليت مەفوديدىڭ قىزمەتىندەگى ەڭ ماڭىزدى جاعداي استانادان ورتالىق ازياداعى اسا ءىرى ۋسپەن كاەدرالدى سوبورىنىڭ قۇرىلىسىن سالۋى بولدى. ونىڭ اشىلۋىن، بيىلعى جىلدىڭ باسىندا قازاقستانعا جاساعان ساپارىندا ماسكەۋ مەن بۇكىل ءرۋستىڭ پاتريارحى كيريلل دارىپتەدى. ميتروپوليت مەفوديدىڭ قازاقستاندا قىزمەت ەتكەن تۇسىندا پراۆوسلاۆيەلىك روجدەستۆو مۇسىلمانداردىڭ قۇربان ايتىمەن بىرگە مەرەكەلىك كۇن رەتىندە اتالىپ وتە باستادى. ءداستۇرلى دىندەردىڭ كونفەسسياارالىق بايلانىسىن نىعايتۋدا دا ونىڭ ەڭبەگى كوپ.

كۇندەلىكتى ومىردە نيكولاي فەدوروۆيچ نەمتسوۆ دەپ اتالاتىن ميتروپوليت مەفودي ۋكراينانىڭ ۆوروشيلوۆوگراد وبلىسى روۆەنكي دەرەۆنياسىندا دۇنيەگە كەلگەن. 1968 جىلى سلاۆيان تەمىرجول تەحنيكۋمىن ءبىتىردى. 1972 جىلى لەنينگراد ءدىن اكادەمياسىنا وقۋعا ءتۇستى. 1977 جىلدىڭ ءساۋىر ايىندا ماسكەۋ پارتيارحياسى سىرتقى شىركەۋلىك بايلانىستار ءبولىمى توراعاسىنىڭ ورىنباسارلىعىنا تاعايىندالىپ، ارحيماندريت دارەجەسىنە كوتەرىلدى. 1980 جىلى يركۋتسك جانە چيتا ەپيسكوپى بولدى. 1982 جىلى ۆورونەج جانە ليپەتسك ەپيسكوپى. 1985 جىلى ماسكەۋ پارتيارحياسىنىڭ شارۋاشىلىق باسقارماسىنىڭ توراعاسى بولدى. 1985 جىلى ارحيەپيسكوپ دارەجەسىنە كوتەرىلدى، 1988 جىلى ميتروپوليت بولدى. قاسيەتتى سينودتىڭ 2003 جىلعى 7 مامىرداعى شەشىمىمەن قازاقستاندا جاڭادان قۇرىلعان ميتروپوليتتىك وكرۋگتى باسقاردى.