جۇما, 29 ناۋرىز 2024
جاڭالىقتار 5684 0 پىكىر 28 ءساۋىر, 2014 ساعات 11:48

"قازاقستان بارىسى": 4 بالۋان فينالعا جولداما الدى

«قازاقستان بارىسى» ءتۋرنيرىنىڭ ءتورتىنشى ماۋسىمىنا ىرىكتەۋ جالعاسۋدا. بۇگىنگە دەيىن فينالعا جولداما العان 4 بالۋاننىڭ ەسىمى انىقتالدى. 

قىزىلوردا وبلىسىنداعى ىرىكتەۋ سىنىندا رۋسلان ابدىرازاقوۆ قامشى سالدىرعان جوق. وتكەن جىلى كولدەنەڭ جاراقاتتىڭ سالدارىنان جوبادان تىس قالعان رۋسلان بيىل بابىندا ەكەنىن بايقاتۋدا. فينالدىق باسەكەگە رۋسلانمەن بىرگە ايبەك سەرىكباەۆ تا قاتىسادى. بۇگىندە ولار دايىندىقتى باستاپ كەتتى. ال 2011 جىلعى «قازاقستان بارىسى» ۇلان رىسقۇل بيىلعى فينالدان كورە المايمىز.  

-          بۇگىن مەن ۇتىلىپ قالدىم. ارينە، ءبىرىنشى كەزەكتە جاراقاتىم اسەر ەتتى. ونىڭ ۇستىنە، دايىندىعىم دا كەرەمەت بولعان جوق. ەندى  بار كۇشىمدى رۋسلان مەن ايبەكتىڭ الاڭسىز جاتتىعۋىنا سالامىن. قىزىلوردا وبلىسىنىڭ بالۋاندارى بيىلعى باسەكەدە ايانىپ قالمايدى - دەيدى ۇلان.

شىنى كەرەك، قىزىلوردا وبلىسى تۋرنيرگە ىرىكتەۋ كەزەڭدەرىن ۇقىپتى وتكىزەتىن كوشباسشى ايماقتاردىڭ ءبىرى. وبلىس باسشىلىعى ءبىرىنشى ورىن العان رۋسلان ابدىرازاقوۆقا 1 550 000 تەڭگە، ايبەك سەرىكباەۆقا 850 000 تەڭگە تابىس ەتتى. ەكى بالۋان دا «قازاقستان بارىسىنىڭ» فينالىنا ەكىنشى رەت قاتىسقالى وتىر.

 

رۋسلان ابدىرازاقوۆ،  «قازاقستان بارىسى-2014» جوباسىنىڭ ءفيناليستى:

-          جەڭىسكە جەتكەنىم ءۇشىن قۋانىشتىمىن. بۇل جەڭىس ماعان وڭاي كەلگەن جوق. ءبىر جىل بۇرىنعى جاراقاتىم ءالى تولىقتاي جازىلا قويعا جوق. ءالى كۇنگە دەيىن سىر بەرىپ تۇرادى. بىراق، بيىل مەنى ەشتەڭە دە توقتاتپايدى. قۇداي قالاسا، بار كۇشىمدى سالىپ چەمپيون اتانعىم كەلەدى، - دەيدى رۋسلان.

 

پاۆلودار وبلىسىندا دا «قازاقستان بارىسىنا» ىرىكتەۋ كەزەڭىنىڭ ءۇشىنشى اينالىمى اياقتالدى. وتكەن جىلى فينالدا باق سىناعان سامير مامەدوۆ وبلىستىق سىندا ءۇشىنشى ورىن الىپ، بيىلعى دوداعا قاتىسۋ قۇقىنان ايىرىلدى. ال  فينال جولداماسىنا پاۆلودار وبلىسىنىڭ ۇزدىگى، «اساۋ» لاقاپ اتىمەن تانىمال دارحان جولامانوۆ پەن قازاق كۇرەسىنىڭ جاس ءارى تالانتتى وكىلى باتىرحان ءجۇنىسوۆ يە بولدى. پاۆلودار وبلىسىنداعى جۇلدە قورى 1 300 000 تەڭگەنى قۇرادى (1 ورىن – 700 000 تەڭگە، 2 ورىن – 400 000 تەڭگە، 3 ورىن – 200 000 تەڭگە).

 

- ۇنەمى «قازاقستان بارىسى» ءتۋرنيرىن باقىلاپ ءجۇرۋشى ەدىم. بيىل جەڭىسكە جەتىپ، فينالعا جولداما الۋدىڭ ءساتى ءتۇستى. سول ءۇشىن وتە قۋانىشتىمىن. ەڭ قيىن بەلدەسۋ دەپ دارحان جولامانوۆ جانە سامير مامەدوۆپەن بولعان كەزدەسۋدى ايتار ەدىم، - دەيدى باتىرحان.

 

فينالعا جولداما العان بالۋاندار تۋرالى قىسقاشا مالىمەت:

 

قىزىلوردا وبلىسى:

 

رۋسلان ابدىرازاقوۆ، «سىر بارىسى»

بويى:  197 سم

سالماعى:  117 كەلى

تۋعان جىلى:  1988 جىل

سپورتتىق اتاعى:  قازاق كۇرەسىنەن سپورت شەبەرى

باپكەرى: سادىق مۇستافاەۆ

 

ايبەك سەرىكباەۆ، «سىر ارلانى»

بويى:  190 سم

سالماعى:  103 كەلى

تۋعان جىلى:  1993 جىل

سپورتتىق اتاعى:  قازاق كۇرەسىنەن سپورت شەبەرى

باپكەرى:  ادىلبەك سەرىكباەۆ

 

پاۆلودار وبلىسى

 

دارحان جولامانوۆ، «اساۋ»

بويى:  179 سم

سالماعى:  103 كەلى

تۋعان جىلى:  1986 جىل

سپورتتىق اتاعى:  قازاق كۇرەسىنەن سپورت شەبەرى

باپكەرلەرى: نۇرلىبەك ەرماعانبەتوۆ، مەيرام حامزين

 

باتىرحان ءجۇنىسوۆ، «تۇلپار»

بويى: 173 سم

سالماعى:  90 كەلى

تۋعان جىلى:  1993 جىل

سپورتتىق اتاعى: -

باپكەرى: سەرىك دوسىمحانوۆ

 

 اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565