بۇگىن بايقوڭىر عارىش ايلاعىنان «قازسات-3» زىمىرانى ۇشىرىلدى دەپ حابارلايدى Tengrinews.kz. ايلاقتان «قازسات-3» سپۋتنيگىمەن قاتار «لۋچ-5B» سپۋتنيگىن «پروتون-م» زىمىرانى الىپ ۇشقان. زىمىران استانا ۋاقىتى بويىنشا 10:25 ۋاقىتىندا ىسكە قوسىلدى. ايتا كەتەيىك بۇل قازاقستان اتىنان ۇشىرىلعان 3- جەر سەرىگى. بۇعان دەيىن «قازسات-1» مەن «قازسات-2» ۇشىرىلعان بولاتىن. 2006 جىلى ۇشىرىلعان «قازسات-1»  جۇمىسقا قابلەتسىز بولىپ قالعان. ونىڭ سالدارىنان 2009 جىلى ۇشىرىلۋعا ءتيىس «قازسات-2» 2 جىل كەشىكتىرىلىپ 2011 جىلى ۇشىرىلدى. قازىرگى تاڭدا «قازسات-2» ويداعىداي جۇمىس ىستەپ تۇر. ال «قازسات-3»تىڭ جۇمىس ىستەۋ قابىلەتى الدىڭعىلارىنان اناعۇرلىم جاقسى بولادى دەپ كۇتىلۋدە. الدىن الا جوسپار بويىنشا قازاقستاندىق تەلەكوممۋنيكاتسيا سالاسى ءۇشىن جۇمىس ىستەيتىن «قازسات-3»تىڭ جۇمىس جارامدىلىعى 15 جىل. اتالعان قازاقستاندىق جەر سەرىكتەرىنىڭ ۇشەۋى دە رەسەيدە جاسالعان.  

اباي-اقپارات