سارسەنبى, 8 ءساۋىر 2020
COVID-19 قازاقستاندا. جۇقتىرعاندار — 697. جازىلعاندار — 51. قايتىس بولعاندار — 6
جاڭالىقتار 2709 0 پىكىر 28 ءساۋىر, 2014 ساعات 11:38

كونفەرەنتسيا: وقۋلىقتارمەن قامتاماسىز ەتۋ ماسەلەسى

2014 جىلدىڭ 28 ساۋىرىندە ساعات 15.00-دە الماتى قالاسىنداعى «تۇران» ۋنيۆەرسيتەتىنىڭ ءماجىلىس زالىندا قازاقستان جوعارى وقۋ ورىندارىن وقۋلىقتارمەن قامتاماسىز ەتۋ ماسەلەسىنە ارنالعان Iح رەسپۋبليكالىق كونفەرەنتسيا وتەدى. كونفەرەنتسيانى قر جوعارى وقۋ ورىندارى قاۋىمداستىعى قر ءبىلىم جانە عىلىم مينيسترلىگىنىڭ قولداۋىمەن ۇيىمداستىرىپ وتىر. كونفەرەنتسياعا قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى بالىقباەۆ تاقير وسپانۇلى قاتىسادى.

جوعارى وقۋ ورىندارىن وقۋلىقپەن قامتاماسىز ەتۋ ماسەلەسى بويىنشا جىل سايىن ۇيىمداستىرىلاتىن كونفەرەنتسيالاردىڭ ماقساتى جوعارى وقۋ ورىندارىنا ارنالعان كىتاپ ونىمدەرىن عىلىمي تۇرعىدا ساراپتان وتكىزىپ، دايىنداۋ، اۋدارۋ، باسىپ شىعارۋ ماسەلەلەرىن ورتاعا سالۋ.

        كونفەرەنتسيانىڭ كۇن تارتىبىندە قارالاتىن ماسەلەلەر:

  • قر ءبىلىم جانە عىلىم مينيسترلىگىنىڭ 2013 جىلعا ارنالعان تاقىرىپتىق جوسپارى اياسىندا بازالىق وقۋلىقتار شىعارۋ مەن شەتەلدىك وقۋلىقتاردى مەملەكەتتىك تىلگە اۋدارىلۋ ءىسىنىڭ ورىندالۋ بارىسى;
  • قر ءبىلىم جانە عىلىم مينيسترلىگىنىڭ 2014 جىلعى تاقىرىپتىق جوسپارى اياسىندا بازالىق وقۋلىقتار شىعارۋ مەن شەتەلدىك وقۋلىقتاردى مەملەكەتتىك تىلگە اۋدارۋ جايى مەن جوسپاردى جۇزەگە اسىرۋ ماسەلەلەرى;
  • وقۋلىق اۆتورلارى مەن باسپا ءىسىن ۇيىمداستىرۋشىلاردى ماراپاتتاۋ.

كونفەرەنتسيا جۇمىسىنا قر پارلامەنت ءماجىلىسىنىڭ  دەپۋتاتتارى، قر ءبىلىم جانە عىلىم مينيسترلىگىنىڭ وكىلدەرى، جوو-لاردىڭ رەكتورلارى مەن عالىمدارى،  جوو كىتاپحانالارى ديرەكتورلارى، باسپاگەرلەر، وقۋ-ادىستەمەلىك بولىمدەردىڭ ماماندارى، جاڭا شىققان وتاندىق جانە شەتەلدىك وقۋلىقتاردىڭ اۆتورلارى مەن اۆتورلىق ۇجىمدار، اۋدارماشىلار، جالپى زيالى قاۋىم مەن بۇقارالىق اقپارات قۇرالدارىنىڭ وكىلدەرى قاتىسادى. كونفەرەنتسيا بارىسىندا تاقىرىپتىق باياندامالار جاسالىپ، تالقىلاۋلار وتەدى.

وتكىزىلەتىن ورنى:

الماتى قالاسى،  «تۇران» ۋنيۆەرسيتەتى،

ساتباەۆ ك-ءسى 16-18-18ا

باس عيمارات، ءماجىلىس زالى.

تىركەلۋ: 14.00-دەن

تەل: 8 (72 72) 2 62 14 28

e-mail: avrk@mail.ru

اباي-اقپارات

0 پىكىر