تۇركيا پرەمەر-ءمينيسترى رەجەپ تايىپ ەردوعان بىرقاتار قالا باسشىلارى مەن جەرگىلىكتى بيلىك ورىندارىنا سايلاۋدا ءوزىنىڭ "ادىلەت جانە دامۋ" پارتياسىنىڭ جەڭىسكە جەتكەنىن مالىمدەدى دەپ حابارلايدى «ازاتتىق».

30 ناۋرىزدا وتكەن سايلاۋدىڭ الدىن-الا قورىتىندىلارى بويىنشا، "ادىلەت جانە دامۋ" پارتياسى بەرىلگەن داۋىستىڭ 46 پايىزعا جۋىعىنا يە بولعان. ال وپپوزيتسيالىق رەسپۋبليكالىق حالىقتىق پارتيا 23-28 پايىز ارالىعىندا داۋىس جيناعان.

ايتا كەتەرلىگى، «جەڭىسكە جەتكەن» پارتيا ليدەرى ەردوعان سايلاۋ ناۋقانىندا ءوزىن «جەمەڭقور» ەتىپ سيپاتتاعان جانە مەملەكەتتىك قۇپيانى اشكەرەلەگەن گۋلەننىڭ جاقتاستارىنا ءتيىستى شارا قولداناتىنىن ايتقان كورىنەدى. سونداي-اق، تۇركيا مەملەكەتىنىڭ قاۋىپسىزدىگىنە سىزات تۇسىرگەن «تۆيتتەر»، «يۋتۋب» ينتەرنەت جەلىلەرىن دە بۇعاۋلايتىنىن جەتكىزىپتى.

«اباي-اقپارات»