«№29 مەكتەپتىڭ  2013 جىلعى 19 ساۋىردەگى №124 بۇيرىعى

«مەكەمەنىڭ قارجىلاي قۇندىلىعى جوعارى مەملەكەتتىك تۋىن جويىپ اكتىلەۋ» تۋرالى

استانا قالاسى №29 مەملەكەتتىك مەكەمەنىڭ ق.ر-نىڭ تۋى، ەلتاڭباسىن، ءانۇرانىن جويۋ بويىنشا تومەندە اتالعان قىزمەتكەرلەردەن كوميسسيا قۇرامى قۇرىلسىن:

جوعارىدا اتالعان كوميسسيا قۇرامى بويىنشا №29 مەملەكەتتىك مەكەمەسىنىڭ ق.ر –نىڭ تۋى، ەلتاڭباسى جويىلىپ ارىقاراي وسى بۇيرىقتىڭ تولىقتاي ورىندالۋىن مەكتەپ ديرەكتورى رەتىندە وزىمە قالدىرامىن».

بۇل مۇحامبەديا احمەتوۆ مىرزانىڭ فەيسبۋكتەگى پاراقاشاسىندا سۋرەتپەن كورسەتىلگەن جازبا. ءوزى ەكى سويلەمنەن تۇراتىن، قاتەدەن كوز سۇرىنەتىن «بۇيرىقتا» قازاقستان رەسپۋبليكاسىنىڭ مەملەكەتتىك تۋىن، ەلتاڭباسىن، ءانۇرانىن جويۋ كەرەكتىگى بۇيىرىلعان. بۇيرىقتى  مەكتەپ ديرەكتورىنىڭ ءوزى باقىلايتىنى جازىلعان.

سوندا بىلدەي ءبىر مەملەكەتتىڭ تۋىن، ەلتاڭباسىن، ءانۇرانىن جويۋدى بۇيىرعان مەكتەپ ديرەكتورىن كىم باقىلايدى؟ ءيا، مەملەكەتتىك تۋ مەن ەلتاڭبا بەلگىسى ەسكىرسە، ورنىنا جاڭاسىن اۋىستىراتىنى راس. بىراق ول "جويۋ" دەپ اتالمايدى. ال ء"انۇراندى" جويۋ دەگەن نە ماسقارا؟ مەكتەپ ديرەكتورىنا مۇنداي قۇزىرەتتى كىم بەرگەن؟ 

Abai.kz