وزبەكستان سىرتقى ىستەر مينيسترلىگى ۋكرايناداعى قىرىم ماسەلەسىنە بايلانىستى مالىمدەمە تاراتتى.

وندا بىلاي دەلىنگەن: «وزبەكستان رەسپۋبليكاسى بۇۇ جارعىسى مەن حالىقارالىق قۇقىق نورمالارىنىڭ نەگىزگى قاعيدالارىنا سۇيەنە وتىرىپ، كەز كەلگەن مەملەكەتتىڭ تەرريتوريالىق تۇتاستىعى مەن تاۋەلسىزدىگىنە قاۋىپ ءتوندىرىپ، كۇش قولدانباي، قالىپتاسقان حالىقارالىق شيەلەنىستى جاعدايدىڭ بەيبىت جولمەن شەشىلۋىن قولدايدى.

وزبەكستان مۇنداي ۇستانىمدى وسىعان ۇقساس حالىقارالىق ماسەلەلەردە دە باسشىلىققا العان. بولاشاقتا دا وسى ۇستانىمنان تايمايدى».

سونداي-اق، مالىمدەمەدە ۋكراينا مەن رەسەيد تاريحي تامىرلاس، باۋىرلاس حالىقتار بولعاندىقتان قالىپتاسقان جاعدايدان شىعۋدىڭ جالعىز جولى ەكىجاقتى كەلىسسوز جۇرگىزۋ ەكەنى ايتىلعان.

Abai.kz