جەرگىلىكتى اتقارۋشى ورگانداردىڭ جانىنداعى كوميسسيالارعا مۇلىكتى جاريا ەتۋگە رەسپۋبليكا بويىنشا جالپى سوماسى 5 728,1 ملن. تەڭگە بولاتىن 976 ءوتىنىش كەلىپ تۇسكەن، دەپ حابارلادى قارجى مينيسترلىگىنەن. جالپى سوماسى 5 478 ملن. تەڭگەگە 1 053 جىلجىمايتىن مۇلىك نىسانى بويىنشا ءوتىنىش تۇسكەن. ونىڭ ىشىندە 250,4 ملن. تەڭگە 8 زاڭدى تۇلعانىڭ ۇلەسىندە. جاريا ەتۋ جونىندەگى اكتسيانىڭ العاشقى 15 كۇنىندە ەڭ كوپ ءوتىنىش الماتى قالاسىنان بولعان. الماتىلىقتار جالپى سوماسى 3 690 876 مىڭ تەڭگەگە 367 ءوتىنىش بەرگەن. ازاماتتاردىڭ بەلسەندىلىگى بويىنشا، ەكىنشى ورىندا قوستاناي وبلىسى. وندا - مۇلىكتى جاريا ەتۋگە جالپى سوماسى 44 315 مىڭ تەڭگەگە 107 ءوتىنىش تۇسكەن. ءۇشىنشى ورىندا الماتى وبلىسى، جالپى سوماسى - 476 160 مىڭ تەڭگەگە 96 ءوتىنىش تۇسكەن. مۇلىكتى جاريا ەتۋگە ەڭ از ءوتىنىش بەرگەن ماڭعىستاۋ وبلىسى، وندا بار-جوعى 1 ءوتىنىش. 2014 جىلعى 15 قىركۇيەكتەگى جاعداي بويىنشا، قر اۋماعىنان تىس جەردەگى مۇلىكتى جاريا ەتۋگە سالىق ورگاندارىنا ءوتىنىش تۇسپەگەن. "قر ۇلتتىق بانكى ەسەبىنىڭ دەرەكتەرى بويىنشا، ەكىنشى دەڭگەيدەگى بانكتەردە 2014 جىلعى 12 قىركۇيەكتەگى جاعداي بويىنشا، اقشانى جاريا ەتۋگە جالپى سوماسى 170 ملن. تەڭگەگە 2 جيناق شوتى اشىلعان. بۇل سومادان 300 مىڭ تەڭگەدەن «مۇلىكتى جاريا ەتكەنى ءۇشىن الىم» كودى بويىنشا بيۋدجەتكە 30 مىڭ تەڭگە ءتۇستى»، دەلىنگەن مينيسترلىكتىڭ حابارلاماسىندا.