قازاق پروزاسىنىڭ قارا نارى – قاليحان ىسقاق دۇنيە سالدى
بۇگىن، ايگىلى جازۋشى، قازاق پروزاسىنىڭ قارا نارى – قاليحان ىسقاق دۇنيە سالدى.
قاليحان ىسقاق – حح عاسىردىڭ ورتا شەنىنەن باستالعان قازاق ادەبيەتىنىڭ التىن ءداۋىرىنىڭ ۇشار باسىندا تۇرعان قالامگەر. جازۋشىنىڭ شىعارمالارىنداعى قۇنارلى ءتىل، قۋاتتى وي، زامانا بەينەسى، ادامداردىڭ تەرەڭ پسيحولوگياسى مەن پورترەتى مىڭ سان وقىرماننىڭ جان-دۇنيەسىندە توڭكەرىس جاساپ، الدەنەشە بۋىن ۇرپاقتى تاربيەلەدى. قالامگەردىڭ ءىزىن باسىپ ادەبيەتكە كەلگەن بىرنەشە بۋىن جازۋشىلار قاليحان ىسقاق پروزاسىن باعدار ەتتى. ءسويتىپ، قازاق پروزاسىنداعى قاليحان مەكتەبى قالىپتاستى.
قاليحان ىسقاق كوركەمسوز ونەرىندە قايتالانباس سۋرەتكەر. ونىڭ قالامىنان تۋعان ءاربىر كەيىپكەر، ءار ءسوز ادەبيەتتىڭ التىن قازىناسى.
قازاق ادەبيەتىن ءور بيىككە كوتەرگەن قاليحان ىسقاقتىڭ قازاسىنا بايلانىستى وتباسىنا، تۋعان-تۋىستارىنا، وقىرماندارىنا، قالامداس ىنىلەرى مەن زامانداستارىنا، بارشا قازاق حالقىنا قايعىلارىنا ورتاقتاسىپ، كوڭىل ايتامىز.
قوش بول، قازاق پروزاسىنىڭ قارا نارى!
Abai.kz
