ء«سۇت ونىمدەرى يمپورتىنىڭ ۇلەسى وتكەن جىلى 2012 جىلمەن سالىستىرعاندا ءوستى. ءونىم ءوندىرىسىنىڭ ستاتيستيكاسىنا قاراساق، ءبىز 5 ملن 500 مىڭ توننا ءسۇت وندىرەمىز. بۇل كورسەتكىشكە سايكەس، جان باسىنا شاققاندا ءسۇت تۇتىنۋ بويىنشا دامىعان ۇزدىك ءۇش ەلدىڭ قاتارىنا كىرەمىز. بىراق، بۇل كولەمنىڭ تەك تورتتەن ءبىرى عانا وڭدەلەدى. ۇساق تاۋارلى ءوندىرىس، ءىشىنارا ورتا تاۋارلى ءوندىرىس ءونىم وڭدەۋ پروتسەسىنەن تولىق الىنىپ تاستالعان»، - دەدى ول.  

ونىڭ ايتۋىنشا، ۇكىمەتتىڭ كەڭەيتىلگەن وتىرىسىندا مەملەكەت باسشىسى سۋبسيديالاۋ تەتىكتەرىن قايتا قاراستىرۋعا نازار اۋداردى.

«مەملەكەت سۋبسيديا رەتىندە قوماقتى قاراجات بولەدى، مال شارۋاشىلىعى سالاسىن دامىتۋعا باعىتتالعان كوپتەگەن باعدارلامالار بار. پرەزيدەنت ناقتى تاپسىرما بەردى. قازىر ۇلتتىق كاسىپكەرلەر پالاتاسى ۇكىمەتپەن بىرلەسىپ ۇسىنىستار ازىرلەپ جاتىر. سۋبسيديالاۋ مەحانيزمىن وزگەرتۋ كەرەك»، - دەدى ول.

ونىڭ ايتۋىنشا، بۇل تۇجىرىمداما تامىز ايىندا دايىن بولادى دەپ ويلايمىن. بۇل ەكى-ءۇش  جىلدا ءونىم ءوندىرىسى جانە ونى وڭدەۋ بويىنشا جاعدايدى تۇبەگەيلى وزگەرتۋگە مۇمكىندىك بەرەدى.

«ەگەر ءبىز ءوزىمىزدىڭ ءسۇتتى وڭدەي الاتىن بولساق، بۇل جاعدايدا ءوزىمىزدى تولىق قامتاماسىز ەتە الاتىنداي دەڭگەيگە جاقىنبىز. ال بۇگىندە رەسمي ستاتيستيكاعا سۇيەنسەك، 70 پايىزعا جۋىق ءسۇت ونىمدەرىن شەتتەن جەتكىزەمىز. بۇل دۇرىس ەمەس، بىزگە كووپەراتسيا كەرەك»، - دەدى ي.ساۋەر.  

www.strategy2050.kz