ۋكراينانىڭ بۇرىنعى باس پروكۋرورى پشونكا قازاقستان ازاماتتىعىن الدى دەگەن حابار تاراپ جاتىر.  

مەنىڭشە، ءبىزدىڭ وسى اڭگىمەلەرگە سىرتقى ىستەر مينيسترلىگى ء(سىم) شۇعىل تۇردە ءوز تۇسىندىرمەسىن بەرۋى قاجەت.

ءوز ەلىندە «مايدانداعى ادامدارعا وق اتتى» دەگەن ايىپ تاعىلىپ جاتقان، كەشەگى ءوزىنىڭ تۇرعان ءۇيىنىڭ ادام سەنگىسىز داۋلەتىن الەمگە جايىپ تاستاعان، سوڭىنان ءسوز ەرگەن شەنەۋنىكتىڭ ەلىمىزدىڭ ازاماتتىعىن الۋ مۇمكىندىگى - جاي عانا ءسىم شەشە سالاتىن نارسە ەمەس. ول ناعىز ساياسي پوزيتسيا، ناعىز ساياسي تاڭداۋ! قوعام ول شەشىمگە ەش قاتىسسىز قاراپ  تۇرا المايدى!

ونسىز دا ۋكرايناعابايلانىستى وقيعالارعا ءجوندى باعا بەرە الماي كەلە جاتقان شەنەۋنىكتەردىڭ قالعان-قۇتقان ابىرويى پشونكانىڭ اتىشۋلى التىن جالاتىلعان ۋنيتازىنان اققانداي توگىلەدى!

رەسەي ۇلكەن ەل ەمەس پە؟ جەرى جەتەدى! ءوزى باسپانا مەن ازاماتتىق بەرە بەرسىن پشونكا سەكىلدىلەرگە. ءبىزدى ارالاستىرماي-اق قويسىن!

ەندىگى جەردە باقيەۆكە باسپانا بەرگەن بەلورۋسسيانىڭ كەبىن كيۋ قالعان ەدى بىزگە...

ءامىرجان قوسانوۆ

Abai.kz