قىتايلارعا زاڭسىز ۆيزا راسىمدەپ، ەش كەدەرگىسىز ەلگە كىرگىزگەن  سىرتقى ىستەر مينيسترلىگىنىڭ لاۋازىمدى شەنەۋنىكتەرى ۇزاق مەرزىمگە سوتتالدى دەپ حابارلايدى "كتك" تەلەارناسى. ۇيىمداسقان قىلمىستىق توپقا الماتىداعى كونسۋلدىق قىزمەت دەپارتامەنتى ديرەكتورىنىڭ ورىنباسارى جەتەكشىلىك ەتكەن.

ديپلوماتتاردان ۇيىمداسقان قىلمىستىق توپ قازاقستانعا 13 مىڭ شەتەلدىكتى كىرگىزگەن. كوك قاعازىن كورسەتىپ، ۆيزا العانداردىڭ باسىم كوپشىلىگى - قىتايلار. ميللياردتار ەلىنەن شاقىرىلماعان قوناقتاردى جەتكىزۋ جۇمىسىن ايگۇل قوڭىرباەۆا ەسىمدى كاسىپكەر ايەل اتقارىپتى. ءسويتىپ ۇيىمداسقان قىلمىستىق توپ 3 جىلدىڭ ىشىندە 240 ميلليون تەڭگە پارانى قالتاعا باسقان.

ءبىزدىڭ ديپلوماتتاردىڭ ىسكەرلىگى سونشالىق - ءوز قاتارلارىنا قىرعىزستان، گرۋزيا، موڭعولياداعى ارىپتەستەرىن تارتقان. سوت شەشىمى بويىنشا ءىءستىڭ باسى-قاسىندا جۇرگەن الماتىداعى كونسۋلدىق قىزمەت دەپارتامەنتى ديرەكتورىنىڭ ورىنباسارى 39 جاستاعى قايسار ارقاباەۆتىڭ دۇنيە مۇلكى تاركىلەنىپ، 12 جىلعا اباقتىعا جابىلدى. قالعان سىبايلاسارى دا الداعى 10 جىلدا بوستاندىق كورمەيدى. ال 5 جىلعا سوتتالعان ايگۇل قوڭىرباەۆا جازاسىن سابيلەرى كامەلەت جاسقا تولعان سوڭ وتەيتىن بولدى. 

Abai.kz