«گۇلنار تۋر» كومپانياسىنىڭ باسشىلىعى جالعان قۇجاتپەن شەتەلگە كەتىپ قالۋى مۇمكىن. بۇل تۋرالى بۇگىن قازاقستاننىڭ ۇلتتىق كاسىپكەرلەر پالاتاسىنداعى ءباسپاسوز ءماسليحاتى بارىسىنداعى مالىمەتتەردە حابارلاندى.

پالاتانىڭ مالىمەتتەرىنە قاراعاندا، اتالعان كومپانيانىڭ باسشىلىعى بايلانىسقا شىقپاي وتىر. ناقتىلاعانباعان اقپارات بويىنشا، ول جالعان قۇجاتپەن قازاقستان اۋماعىنان كەتىپ قالعان.

ءباسپاسوز ءماسليحاتى بارىسىندا «كومپانيانىڭ ديرەكتورىمەن سوڭعى رەت قاشان بايلانىسقا شىعۋعا مۇمكىن بولدى؟» دەگەن ساۋالعان قر ۇكپ باسقارما توراعاسىنىڭ ورىنباسارى گۇلنار قۇربانباەۆا: «ديرەكتورمەن بىرەۋ بايلانىسقا شىعىپ جاتسا، سول ادامعا سىياقى بەرۋگە دايارمىن. وكىنىشكە قاراي، بۇگىندە ونىمەن بايلانىس مۇمكىن بولماي تۇر»، - دەپ جاۋاپ قايتاردى.

ەستەرىڭىزگە سالا كەتەيىك،  تۇركيادا قازاقستاندىق تۋريستەر ۇيىنە جەتە الماي، جات ەلدىڭ اۋەجايىن ساعالاپ جۇرۋگە ءماجبۇر بولعان ەدى.

«گۇلنار  تۋر» فيرماسىنىڭ جولداماسىن ساتىپ العان تۋريستەر كوپ ۇزاماي وزدەرىنىڭ الدانعانىن بىلگەن. كەلىسىمشارت بويىنشا Jet Airlines اۋە كومپانياسى قازاقستاندىق تۋريستەرگە  تەك 30 ماۋسىمعا دەيىن قىزمەت كورسەتۋگە ءتيىس بولاتىن. ال فيرما باسشىلىعى بولسا، تۋريستەرگە جولدامانى شىلدەگە دەيىن ساتىپ كەلگەن. «گۇلنار تۋر» فيرماسىنىڭ تۋريستەرگە كەلتىرگەن شىعىنى 30 ملن. تەڭگەدەن اسقان كورىنەدى.

قازاقپارات