قازاقستان پرەزيدەنتى نۇرسۇلتان نازارباەۆ گرۋزيانىڭ ەكس-پرەزيدەنتى ەدۋارد شەۆاردنادزەنىڭ قايتىس بولۋىنا بايلانىستى مارقۇمنىڭ وتباسىنا كوڭىل ايتۋ جەدەلحاتىن جولدادى.

بۇل تۋرالى اقوردانىڭء باسپاسوز قىزمەتىنە سىلتەمە جاساي وتىرىپ قازاقپارات -  حابارلادى.  

جەدەلحاتتا ەدۋارد امۆروسيەۆيچ شەۆاردنادزەنىڭ دۇنيە سالعانى تۋرالى قارالى حاباردى نۇرسۇلتان نازارباەۆتىڭ كۇيزەلە قابىلداعانى ايتىلعان.

مەملەكەت باسشىسى گرۋزيانىڭ ەكس-پرەزيدەنتىنىڭ تۋعان-تۋىستارىنا شىن كوڭىلدەن قايعىرا كوڭىل ايتىپ، ە.شەۆاردنادزە ءوز وتانىنىڭ يگىلىگى ءۇشىن وراسان كوپ ءىس اتقارعان گرۋزين حالقىنىڭ اسا كورنەكتى وكىلى، كورەگەن ساياساتكەر بولعانىن اتاپ وتكەن.

«كاسىپقويلىعى جانە ىسىنە ادالدىعى، تاماشا ادامگەرشىلىك قاسيەتتەرى ونى بىلەتىندەردىڭ بارشاسىنىڭ شىنايى قۇرمەتىنە بولەدى. ە.ا.شەۆاردنادزەنىڭ جارقىن بەينەسى ءاردايىم ءبىزدىڭ جۇرەگىمىزدە ساقتالادى»، - دەلىنگەن جەدەلحاتتا.

اباي-اقپارات