الماتىدا جاڭا «الاتاۋ» كينوكونتسەرت زالىنىڭ اشىلۋ سالتاناتى بولىپ ءوتتى. اتالعان شارا جاڭا مادەني عيمارات ورنالاسقان الاتاۋ اۋدانىنىڭ قۇرىلعانىنا 6 جىل تولۋىنا ورايلاستىرىلعان. بۇل تۋرالى الماتى قالالىق ءباسپاسوز قىزمەتى حابارلادى. 

جالپى كولەمى 10 034 شارشى مەتردى قۇرايتىن كەشەندە كونتسەرت زالى مەن كينو زالىنان وزگە: بالالارعا ارنالعان ەستەتيكالىق ءتالىم بەرۋ مەن دامىتۋ ستۋدياسى، كەلۋشىلەر مەن عيماراتتاعى جۇمىسشىلارعا ارنالعان ەكى بۋفەت، كومپيۋتەرمەن جابدىقتالعان زال، قويما ورنى مەن مەدپۋنكت، كيىنەتىن بولمە مەن جۋىناتىن ورىن جانە ت.ب. بار. 5,4441 گا جەردەگى قۇرىلىس جۇمىستارى 2012 جىلدىڭ 12 جەلتوقسانىندا باستالعان بولاتىن.