بەيسەنبى, 2 ءساۋىر 2020
COVID-19 قازاقستاندا. جۇقتىرعاندار — 423. جازىلعاندار — 27. قايتىس بولعاندار — 3
بيلىك 4295 0 پىكىر 3 شىلدە, 2014 ساعات 10:41

ەلباسى نازارباەۆ ورتالىعىنىڭ جاڭا عيماراتىندا بولدى

مەملەكەت باسشىسى نۇرسۇلتان نازارباەۆ جاڭا عيماراتتى ارالاپ كوردى، سونداي-اق «نازارباەۆ ورتالىعى» كوپفۋنكتسيالى عىلىمي-تالداۋ جانە گۋمانيتارلىق-اعارتۋ مەملەكەتتىك مەكەمەسىنىڭ بازاسىندا قۇرىلعان تۇڭعىش پرەزيدەنت كىتاپحاناسىنىڭ جۇمىسىمەن تانىستى دەپ حابارلايدى "قازاقپارات".

«كىتاپحانا قورى 20 مىڭ ەڭبەكتى قامتيدى. مەكەمە پرەزيدەنتكە سىيعا تارتىلعان ەكسپوناتتاردى جيناقتاۋمەن دە اينالىسادى. قازىرگى كۇنى مەملەكەت باسشىلارىنىڭ جانە ولاردىڭ رەسمي وكىلدەرىنىڭ سىيلىقتارىن، ونەر تۋىندىلارى مەن تاريحي جادىگەرلىكتەردى قوسقاندا، نۇرسۇلتان نازارباەۆتىڭ جەكە كوللەكتسياسىنان الىنعان 500 ەكسپونات بار»، - دەلىنگەن حابارلامادا.

عيماراتتا كوشپەلىلەر مەن دالا توسىندەگى قالالاردىڭ سان عاسىرلىق تاريحىندا قالىپتاسقان قازاق حالقىنىڭ فيلوسوفياسىن تانىتاتىن «ماڭگىلىك ەل» گالەرەياسى ورنالاسقان.

مەملەكەت باسشىلارىنىڭ مۇنداي ورتالىقتارى، كىتاپحانالارى مەن قورلارى الەمدىك تاجىريبەدە، اتاپ ايتقاندا، اقش-تا، فرانتسيادا، تۇركيادا جانە باسقا ەلدەردە بار. ولاردىڭ باستى مىندەتى ەل باسشىلارىنىڭ جەكە مۇراعاتىن جيناقتاۋ جانە جۇيەلەۋ بولىپ سانالادى. 

Abai.kz

0 پىكىر