ا.ج. 19 ماۋسىمدا شۆەيتساريا تاراپىنىڭ شاقىرۋىمەن، «اق جول» قدپ كوشباسشىسى ازات پەرۋاشەۆ بەرندە شۆەيتساريا كونفەدەراتسياسىنىڭ پارلامەنتى دەپۋتاتتارىنىڭ الدىندا «اق جول» پارتياسىنىڭ سىبايلاس جەمقورلىققا قارسى قىزمەتى تۋرالى تانىستىرۋمەن ءسوز سويلەدى، سونداي-اق بىرقاتار كەزدەسۋلەر وتكىزدى.

                شاقىرۋ 2014 جىلى مايدا شۆەيتساريا پارلامەنتىنىڭ دەپۋتاتتارى استاناعا ساپارمەن كەلگەننەن كەيىن الىنعان بولاتىن، ساپار بارىسىندا قازاقستاننان ەكونوميكانى وففشورسىزداندىرۋ جانە اقشانى الىپ كەتۋ  جونىندەگى قدپ-نىڭ باستامالارىمەن تانىسقان، ۇكپ-نىڭ جانىنداعى سىبايلاس جەمقورلىققا جانە كولەڭكەلى ەكونوميكاعا قارسى ءىس-قيمىل بويىنشا كەڭەستىڭ وتىرىسىنا قاتىسىپ، سىبايلاس جەمقور شەنەۋنىكتەردىڭ زاڭسىز ارەكەتتەرىنەن زارداپ شەككەن كاسىپكەرلەرمەن كەزتەستى.

                سونداي-اق، ساپارعا قدپ توراعاسىنىڭ ورىنباسارى قازىبەك يسا جانە «Kazakhstan Financial Integrity Center» قورىنىڭ ءتورايىمى اسەم اققوجا قاتىستى.

                تانىستىرىلىم جانە سودان كەيىن بولعان پىكىرتالاستار بارىسىندا شۆەيتسارلىق دەپۋتاتتار، وسىنداي پارلامەنتتىك ازشىلىقتاعى پارتيا، ەاەو شەڭبەرىندە قر ۇلتتىق ەگەمەندىگىن قامتاماسىز ەتۋ، پارلامەنتاريزمدى جانە دەموكراتيانى دامىتۋ، نارىقتىق رەفورمالاردى جانە جەكە كاسىپكەرلىكتى قولداۋ سياقتى جانە ت.ب. ماسەلەلەر بويىنشا قدپ-نىڭ ۇستانىمدارىنا قاتتى قىزىعۋشىلىقتارىن ءبىلدىردى.

                جۋىردا شۆەيتساريادا حراپۋنوۆتاردىڭ تۇتقىنعا الىنعان بانكتىك شوتتارىنىڭ كوپتەگەن ميلليونداعان قاراجاتىنىڭ شىعۋ تەگىنىڭ كۇماندىلىگىنە، سونداي-اق كەلەشەكتە وسىنداي قۇبىلىستاردىڭ الدىن الۋ بويىنشا قدپ-سى ۇسىنىپ وتىرعان شارالارعا قاتىستى دا بىرقاتار سۇراقتار بولدى.

                شۆەيتساريا پارلامەنتىنىڭ ۆيتسە-سپيكەرى، ليبەرالدى پارتيانىڭ كوشباسشىسى كريستا ماركۆالدەردىڭ حابارلاۋىنشا، قازىرگى ۋاقىتتا پارلامەنتتىڭ بەيىندى كوميتەتى شەتەلدىك جوعارى لاۋازىمدى شەنەۋنىكتەرگە تيەسەلى شىعۋ تەگى كۇماندى قاراجاتتاردىڭ شۆەيتساريادا قوزعالۋىنا كەدەرگى جاساۋ بويىنشا زاڭ جوباسىمەن جۇمىس جۇرگىزىلىپ جاتىر. ماركۆالدەر حانىم، قازاقستاندىق دەموكراتتاردى وسى زاڭ جوباسىمەن تانىسۋعا جانە وعان ءوز ۇسىنىستارىن جىبەرۋگە شاقىردى.

قدپ ءۇشىن بيزنەس تۋرالى ءداستۇرلى سۇراقتار دا بولماي قالعان جوق. ماسەلەن، جاسىلدار پارتياسىنان دەپۋتات گەري ميۋللەر EFTA (ەركىن ساۋدا ەۋروپالىق قاۋىمداستىق مۇشەلەرى - نورۆەگيا، شۆەيتساريا، ەو-قا كىرمەيتىن ەلدەر يسلانديا ي ليحتەنشتەين بولىپ تابىلادى) جانە ەاەو اراسىنداعى رف جانە بەلورۋسسياعا قارسى حالىقارالىق سانكتسيالارعا بايلانىستى قالىپتاسقان قارىم-قاتىناستاعى احۋال تۋرالى ايتتى. ونىڭ ايتۋىنشا، نورۆەگيانىڭ ەاەو-پەن ىنتىماقتاستىقتى قىسقارتۋدى تالاپ ەتۋلەرى شۆەيتساريانىڭ ەكونوميكالىق مۇددەلەرىنە نۇقسان كەلتىرەدى. وسىعان بايلانىستى، دەپۋتات قازاقستانعا رف جانە بەلورۋسسيانىڭ ارىپتەستەرى رەتىندە، نورۆەگيانىڭ الدىندا ەاەو بويىنشا وسىنداي تالاپتاردى الىپ تاستاۋ تۋرالى ءوتىنىش ەتۋدى ۇسىندى.

ازات پەرۋاشەۆ بۇل ۇسىنىسقا، شۆەيتسارلىق بيزنەستىڭ ەاەو-تىڭ قۇرىلۋىمەن، بۇل ەلدەرمەن ورتاق نارىعى بولعاندىقتان رف جانە بەلورۋسيا نارىعىنا شىعۋدى قازاقستانعا ينۆەستيتسيا سالۋ ارقىلى قامتاماسىز ەتە الاتىنىن ايتادى. شۆەيتساريا پارلامەنتىنىڭ وكىلدەرى 2014 جىلى 12 ماۋسىمدا شەتەلدىك ينۆەستورلار كەڭەسىنىڭ پلەنارلىق وتىرىسى بارىسىندا پرەزيدەنت ن.نازارباەۆپەن قول قويىلعان، ينۆەستيتسيالىق احۋالدى جەتىلدىرۋ ماسەلەلەرى بويىنشا قازاقستاننىڭ زاڭناماسىنا تۇزەتۋلەردىڭ مازمۇنى تۋرالى حاباردار ەتىلدى.

ءوز كەزەگىندە، ازات پەرۋاشەۆ قازاقستاندىق اۋىلشارۋاشىلىق ونىمدەرىن وندىرۋشىلەردىڭ باستاماسى بويىنشا، جەرگىلىكتى دەپۋتاتتاردى سۇتتىلىگىمەن جانە ءسۇتىنىڭ ساپاسىمەن الەمگە ايگىلى شۆەيتسارلىق ءىرى-قارا مال تۇقىمىن قازاقستانعا ەكسپورتتاۋعا شەكتەۋدى الۋدى جەتەلدەتۋدى  سۇرادى.

شۆەيتساريا ۇكىمەتىنىڭ اتىنان «اق جول» قدپ دەلەگاتسياسىنىڭ قۇرمەتىنە رەسمي تۇسكى اس بەرىلدى.

ءوز كەزەگىندە ازات پەرۋاشەۆ ءوزىنىڭ شۆەيتسارلىق ارىپتەستەرىن قازاقستانعا جاۋاپ ساپارمەن كەلۋگە شاقىردى.

20 ماۋسىمدا، ازات پەرۋاشەۆ الدىڭعى قاتارلى شۆەيتسارلىق «Neuen Zurcher Zeitung» گازەتىنىڭ ءجۋرناليسى اندرەاس ريۋەشپەن پارلامەنتتەگى كەزدەسۋلەردىڭ قورىتىندىسى بويىنشا سۇحبات وتكىزدى.

23 ماۋسىم 2014 جىل، قازاقستاننىڭ «اق جول» دەموكراتيالىق پارتياسىنىڭ ءباسپاسوز قىزمەتى