ۋكرايناداعى، اسىرەسە، ەلدىڭ شىعىس ايماعىنداعى ساياسي احۋالدى رەتتەپ، قوعام ومىرىندە تۇراقتىلىق قالىپتاستىرۋ ماقساتىندا پرەزيدەنت پوروشەنكو وسىنداي شەشىم قابىلداۋى مۇمكىن. ياعني، الداعى كۇندەرى ورىس ءتىلى ۋكراينانىڭ شىعىسىندا ۋكراين تىلىمەن قاتار قولدانىلىپ، مەملەكەتتىك مارتەبە يەلەنۋى ىقتيمال. بۇل تۋرالى «ەۋرونيۋس» ارناسى حابارلادى. ءسويتىپ، باتىس ءباسپاسوزى سەپاراتيستەر اتاپ وتىرعان شىعىسۋكارينالىقتار ء(بارى ەمەس، ارينە) دىتتەگەن تالاپتارىنا جەتىپ قالعانعا ۇقسايدى. ۋكراينا – ءبىرتۇتاس ەل. وندا وزگە سۋبەكتىلەر ءومىر سۇرمەيدى. ازاتتىعىنان ايرىلعان قىرىم تاتارلارى عانا ۋكراينادا وزىندىك ەرەكشەلىكتەرىمەن جاساپ كەلدى. الايدا، ورىس ءتىلىنىڭ ۇستەمدىگى ورناعان قىرىم رەسەيدىڭ اننەكتسيالاۋىمەن قازىر وقشاۋ ولكە بولىپ تۇر. ورىس ساياساتكەرلەرى قيت ەتسە، ورىس ءتىلى مەن ورىس ادامىنىڭ تۇرمىسىن، تالاپ-تىلەگىن ساياسي ويىنداردىڭ قۇرالى ەتىپ كەلگەن، سونى بەك ۇققان ءورىستىلدى ورتا دا «بەسىنشى كولونانىڭ» تىرلىگىنەن اينىعان ەمەس. سونىڭ ءبىرى تمد كولەمىندە ۋكرايناداعى ورىستىلدىلەر ەدى، اقىرى ءتىل ماسەلەسىن تۋدىرىپ، بۇلعاققا باسقان ءورىستىلدى قاۋىم ەۋرووداققا مۇشە بولۋعا ۇمتىلعان وپپوزيتسيانىڭ وزىنە وپپوزيتسيا بولىپ، ەلدە ۇلكەن تولقۋلار تىۋىپ، قارۋلى قاقتىعىستارعا ۇلاسقان. ايتسەدە، ۋكارينانىڭ تۇتاستىعىن جاقتاعان پوروشەنكو بيلىگى قازىر ەپتەپ پارمەن الىپ كەلەدى. ەندى ول ەل ىشىندە اسكەري قيمىلداردى توقتاتىپ، تاراپتارمەن ىمىرالاسۋدى قولعا الىپ جاتىر. پوروشەنكونىڭ بۇل شەشىمىن رف پرەزيدەنتى پۋتين قىزۋ قولداۋدا. ول وسى ماسەلەنى ارىقاراي تالقىلاپ، پىسىرە ءتۇسىرۋ ماقستىندا بولسا كەرەك، كەشە قازاقستاندىق ارىپتەسى نۇرسۇلتان نازارباەۆقا قوڭىراۋ شالىپ سويلەستى. بۇل جايىندا كرمەلدەن تاراعان اقپارات كوزدەرى جازۋدا. «نازارباەۆ پەن پۋتين ەۋرازيالىق ەكونوميكالىق وداققا بايلانىستى ەكى ەل اراسىندا قالىپتاسقان ينتەگراتسيا جايىن قوزعاپ، ۋكراينا ماسەلەسىنە توقتالدى»، دەيدى اقاپاراتتار اعىنى. ەكى ەل باسشىسىنىڭ تەلەفون جەلىسىندەگى اڭگىمەسىنە رف پرمەر-ءمينيسترى مەدۆەدوۆ تە قاتىسقان كورىنەدى.

Abai.kz