2015 جىلدىڭ 1 قاڭتارىنان باستاپ ەلىمىزدەگى جوعارى ساناتتى مۇعالىمدەردىڭ جالاقىسى 91 مىڭ 494 تەڭگەنى قۇرايتىن بولادى. بۇگىن ماجىلىستەگى الەۋمەتتىك-مادەني دامۋ كوميتەتىنىڭ كەڭەيتىلگەن وتىرىسىندا ەڭبەك جانە حالىقتى الەۋمەتتىك قورعاۋ مينيسترلىگىنىڭ جاۋاپتى حاتشىسى ايدا قۇرمانعاليەۆا وسىلاي ءمالىم ەتتى.

قازاقپاراتتىڭ دەرەگىنە ساي، ەڭبەك جانە حالىقتى الەۋمەتتىك قورعاۋ مينيسترلىگى مەملەكەت باسشىسى ن. نازارباەۆتىڭ جولداۋدا جۇكتەگەن تاپسىرماسىنا سايكەس ازاماتتىق قىزمەتكەرلەرگە جالاقى تولەۋدىڭ جاڭا جۇيەسىن ازىرلەگەن. وسىعان وراي، جاۋاپتى حاتشى ازاماتتىق قىزمەتشىلەرگە جالاقى تولەۋدىڭ قولدانىستاعى جۇيەسى مەن جاڭا جۇيەنىڭ ەرەكشەلىكتەرىنە توقتالىپ ءوتتى. «ايتالىق، ءبىلىم بەرۋ سالاسىندا جوعارى ساناتتاعى مۇعالىمدەردىڭ جالاقىسى بيىلعى جىلدىڭ 1 قاڭتارىندا ۇستەمەاقىسىز، نەگىزگى بولىگى 68 مىڭ 664 تەڭگە بولدى. ال 1 ساۋىردەگى 10 پايىزدىق وسىمنەن كەيىن ولاردىڭ جالاقىسى 73 مىڭ 761 تەڭگەنى قۇرادى. ياعني، بۇل جوعارى ساناتتاعى مۇعالىمنىڭ نەگىزگى جالاقىسى، بۇعان ۇستەمەاقىلاردىڭ قوسىلاتىنىن ەسكەرۋ كەرەك. ال ۇسىنىلىپ وتىرعان جاڭا جۇيەگە كەلسەك، كەلەر جىلدىڭ 1 قاڭتارىنان باستاپ جوعارى ساناتتاعى مۇعالىمنىڭ نەگىزگى جالاقىسى 91 مىڭ 494 تەڭگەنى قۇرايتىن بولادى. بۇل - نەگىزگى جالاقى، وعان ۇستەمەاقى قوسىلادى»، - دەدى ا. قۇرمانعاليەۆا. ونىڭ ايتۋىنشا، جاڭا جۇيەگە سايكەس، مۇعالىمدەر جالاقىسى 33 پايىزعا وسەتىن بولادى.

اباي-اقپارات