پەتر پوروشەنكونىڭ رەسمي ينتەرنەت-وكىلدىگىندە ونىڭ قارۋلى كۇشتەردىڭ الدىنا قويعان ۋكراينانىڭ مەملەكەتتىك شەكاراسىن باقىلاۋعا الۋ جونىندەگى مالىمدەمەسى جاريالاندى. بۇل تۋرالى قازاقپارات حابارلادى.

«مەن ۋكراينا قارۋلى كۇشتەرىنىڭ الدىنا العاشقى كەزەكتەگى تاپسىرما - تەرروريستەرگە قارۋ، تەحنيكا، قوسىمشا كۇشتەر، قارجى وتكىزىپ جاتقان  ۋكراينانىڭ مەملەكەتتىك شەكاراسىن باقىلاۋعا الۋدى تاپسىردىم.  تەك سوڭعى ءتورت كۇننىڭ ىشىندە ارنايى وپەراتسيا شەڭبەرىندە ماريۋپولدە تىنىشتىق ورناپ،  زاڭدى ءتارتىپ جولعا قويىلدى. مەملەكەتتىك شەكارانىڭ 248 شاقىرىمى باقىلاۋعا الىندى. لۋگانسك جانە دونەتسك وبلىستارى اۋماعىنداعى بىرقاتار ەلدى مەكەندەردە جالدامالى-سودىرلاردىڭ ءىس-قيمىلى توقتاتىلدى. 11 ەلدى مەكەن لاڭكەستەردەن تازارتىلدى. سوڭعى تاۋلىكتەردە ءبىزدىڭ ەل تەرريتورياسىنا كىرۋگە ارەكەت جاساعان قارۋ-جاراق، وق-ءدارى تيەلگەن 7 اۆتوموبيل كولونناسى، بىرنەشە تانك پەن برونەترانسپورتەرلەر جانە وزگە دە اتىس قۇرالدارى جويىلدى»،-دەلىنگەن مالىمدەمەدە.  

اباي-اقپارات