سەيسەنبى, 25 اقپان 2020
جالقى سۇراق 4550 0 پىكىر 29 مامىر, 2014 ساعات 16:45

كوشى-قون – قازاقستاننىڭ ىشكى ماسەلەسى. ەاەو وعان ىقپال ەتپەيدى

سونىمەن،  ەۋرازيالىق ەكونوميكالىق وداق شارتىنا ء ۇش ەلدىڭ باسشىسى استاناداعى تاۋەلسىزدىك سارايىندا قول قويدى. قول قويۋ سالتى بىتە سالىپ، ءبىز وسى تاقىرىپ اياسىندا ء ماجىلىس دەپۋتاتى نۇرتاي ءسابيلانوۆ پەن ساۋىتبەك ءابدراحمانوۆتى سوزگە تارتىپ، ءداستۇرلى سۇراعىمىزدى قويدىق.

سۇراق:

- اتالعان جاڭا وداق شەتتەگى بەس ميلليون قازاقتىڭ اتاجۇرتىنا ورلاۋىنا قانداي ىقپال ەتەدى دەپ ويلايسىز؟ پايداسى مەن زيانىن اشىق ايتىپ بەرسەڭىز.

ن.ءسابيليانوۆ:

- كوشى-قون – قازاقستاننىڭ  ىشكى ماسەلەسى. وعان بۇل وداقتىڭ تىكەلەي قاتىستى ەمەس. بۇل جەردە ءبىز ەۋروازيالىق پارلامەنت قۇرعان جوقپىز. بۇل – ەكونوميكالىق وداق. ارامىزدا تەڭ دارەجەلى قاتىناسپەن بىرگە الداعى ۋاقىتتا باسەكە دە داميدى. دەمەك، اۋىل-شارۋاشىلىعىن دامىتۋ، باسەكەگە توتەپ بەرۋ ءۇشىن بىزگە اۋىلدى جەرگە ەڭبەككۇشى اۋاداي قاجەت. بۇل ءبىزدىڭ ەلىمىزگە ۇلكەن قولداۋ بولادى. سىرتتاعى باۋىرلار اتاجۇرتىنا كەلەدى. ەكىنشى جاعىنان كاسىپكەرلىكتى دامىتادى. قازاقستان بۇل جاعىنا قاتتى نازار اۋدارىپ جاتىر. قولايلى جاعداي جاساۋ جاعىن قولعا الۋدا. شەتتەگى قانداستارىمىزدى كوشىرىپ الۋعا ەش كەدەرگى جوق دەپ ويلايمىن. ءبىز ەندى بۇل سالانى مىقتاپ قولعا الۋىمىز كەرەك. قازىر بۇل جونىندە جۇمىستار ىستەلۋدە. بۇعان بىزدە تولىق مۇمكىندىك بار. ەندى تەك قانا نيەت كەرەك!

 

س.ءابدراحمانوۆ:

- جاقىندا عانا رەسپۋبيليكا ۇكىمەتى ۇلكەن ءبىر ساۋاپتى شارۋا جاسادى. بۇرىننان كەلە جاتقان ۇلكەن ءبىر پروبلەمانى شەشتى. ءبىزدىڭ وتانداستارىمىزعا ازاماتتىق بەرۋ ماسەلەسىن وڭايلاستىرىپ، ازاماتتىقتى ءبىر جىلدىڭ ىشىندە الاتىنداي مۇمكىندىك جاساپ وتىر. ونىڭ ۇستىنە، جاقىندا ۇكىمەت ورالمانداردى ورايلى ورنالاستىرۋ جونىندە شەشىم قابىلدادى. مۇنىڭ دا ءبىزدىڭ قازاق حالقى ءۇشىن تاريحي ماڭىزى زور. ويتكەنى، ەلىمىزدىڭ تەرىسكەي جەرلەرىندە ەڭبەككۇشىنىڭ جەتىسپەيتىنى ءبىر جاعىنان، ەكىنشى جاعىنان دەموگرافيالىق تۇرعىدان ءبىزدىڭ تۇرعىلىقتى حالىقتىڭ ۇلەس سالماعى از ەكەنى بەلگىلى. ورالمان اعايىنداردى ەڭ الدىمەن وسى وڭىرلەرگە شاقىرۋ ارقىلى ءبىزدىڭ حالقىمىز ءۇشىن، ءبىزدىڭ بولاشاقتاعى ساياسي پەرسپەكتيۆامىز ءۇشىن ورىندى شەشىم قابىلداندى دەپ ايتۋعا بولادى.

سۇراق:

- ال، مىنا جاڭا قۇرىلعان ەاەو-دا وسى ماسەلە قارالدى ما؟

س.ءابدراحمانوۆ:

- مىڭ بەتتىك قاعازدى وقىعان ەشكىم جوق. ناقتى بىلمەيمىن، ناقتى ايتا المايمىن!

 

سۇحباتتاسقان – اۋىت مۇقيبەك

Abai.kz

0 پىكىر