بيىل رامازان ايىندا جان باسىنا بەرىلەتىن ءپىتىر ساداقا مولشەرى ەلىمىز بويىنشا 200 تەڭگە. قازاقستان مۇسىلماندارى ءدىني باسقارماسىنىڭ تورالقا ءماجىلىسى ەلىمىزدىڭ ءار ايماعىنداعى بيداي باعاسىن ەسكەرە كەلە، ورتاق ەسەپپەن ءبىراۋىزدان وسىلاي بەكىتكەن. بۇل تۋرالى ءدىني باسقارمانىڭ ءباسپاسوز قىزمەتىنە سىلتەمە جاساپ Baq.kz حابارلادى.  

باس ءمۇفتي ەرجان قاجى مالعاجىۇلى قاتىسقان القالى جيىندا قاجىلىق ساپارىن جوعارى دەڭگەيدە ۇيىمداستىرۋ ءۇشىن بىلىكتى يمامداردى تارتۋ ماسەلەسى دە تالقىلانعان. سونداي-اق جيىن بارىسىندا باس ءمۇفتي رەسپۋبليكا بويىنشا مەشىتتەردە جۇيەلى تۇردە وتكىزىلىپ كەلە جاتقان ورتالىقتاندىرىلعان ونلاين دارىسكە جاماعاتتىڭ تولىققاندى قاتىسۋىن، ونلاين نۇكتەلەر سانىن (اۋىلعا دەيىن) كوبەيتۋدى، ءارى ساباقتىڭ ساپالى، ساۋاتتى ءوتۋىن قاداعالاۋدى وكىل يمامدارعا تاپسىردى. 
ەستەرىڭىزگە سالاتىن بولساق بيىلعى جىلى رامازان ايى ماۋسىمنىڭ ء27سى كۇننىڭ باتۋىمەن باستالادى. مۇسىلمان قاۋىم 28 ماۋسىمنان باستاپ بەس پارىزدىڭ ءبىرى قاسيەتتى رامازان ايىندا ورازا تۇتادى. بيىلعى ورازانىڭ العاشقى سارەسى داستارحانىنا دەيىن 1 اي 2 كۇن قالدى.

اباي-اقپارات