ۋكراينا تمد-عا توراعالىق ەتۋىن دوعارادى جانە تاۋەلسىز مەملەكەتتەر دوستاستىعىنان شىعۋ پروتسەسىن باستايدى. بۇل تۋرالى جۋرناليستەرگە  ۋكراينانىڭ ۇلتتىق قاۋىپسىزدىك جانە قورعانىس كەڭەسى حاتشىسى اندرەي پارۋبي مالىمدەگەن.  «ۋكرينفورم» جاڭالىقتارىنىڭ جازۋىنشا مۇنداي شەشىم ۋكراينا ۇلتتىق قاۋىپسىزدىك جانە قورعانىس كەڭەسىندە شىعارىلعان. سونداي-اق وندا ۋكراينا تەرريتورياسىندا «ۋكراينا قاۋىپسىزدىگىنە كەپىلدىك بەرگەن وداقتاستار» اتتى ۋكراين اسكەرلەرىنىڭ بىرىككەن وقۋ-جاتتىعۋىن وتكىزۋ تۋرالى دا شەشىم شىعارىلعان.

 ەستەرىڭىزگە سالا كەتەتىن بولساق ۋكراينا بيىلعى جىلدىڭ ءبىرىنشى قاڭتارىنان تمد-عا توراعالىق ەتۋدە. بيىل تمد-دا "تۋريزم" جىلى بولىپ جاريالانعان ەدى.

اباي-اقپارات