سارسەنبى, 1 ءساۋىر 2020
جاڭالىقتار 2677 0 پىكىر 27 مامىر, 2014 ساعات 09:11

باس ءمۇفتيدىڭ شاكىرتاقىسى

قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ەرجان قاجى مالعاجىۇلى ەلىمىزدىڭ ءبىلىمدى جاستارىن قولداۋ ماقساتىندا شىعىس قازاقستان وبلىسى ءۇرجار اۋدانى ماقانشى اۋىلىنىڭ التىن بەلگىگە ۇمىتكەر ۇزدىك وقۋشىلارى مەن الەۋمەتتىك جاعدايى تومەن مەكتەپ تۇلەكتەرىنە شاكىرتاقى تاعايىندادى.

س.سەيفۋللين ورتا مەكتەبىنىڭ 11 سىنىپ وقۋشىلارى – ايگەرىم تەمىرحانوۆا مەن ايعانىم اقاجانوۆا بيىلعى ۇلتتىق بىرىڭعاي تەستىلەۋدەن التىن بەلگىگە ءۇمىتتى. ءبىرى اعىلشىن ءتىلى مامانى بولۋدى ماقسات تۇتسا، ەندى ءبىرى ماتەماتيكا سالاسىنىڭ مايتالمانى بولۋدى ارماندايدى.

باس ءمۇفتي ەرجان قاجى مالعاجىۇلى وقۋشىلارمەن كەزدەسۋدە مەكتەپ بىتىرۋشىلەردى ءبىلىم الۋدا جىگەرلى، وجەتتى بولۋعا شاقىرىپ، العا قويعان ماقساتقا قول جەتكىزۋدە جالقاۋلىق تانىتپاۋعا، ەڭ باستىسى ارى مەن ۇياتىنا   بەرىك، يماندى، يناباتتى ازامات بولىپ وسۋگە ۇندەدى.

«ەلىمىزدىڭ ءار ازاماتى كەتىگى تابىلعان جەرگە كىرپىشتەي قالانىپ، حالىققا قالتقىسىز قىزمەت ەتۋى ءتيىس. ءار وقۋشى ءوزىنىڭ تاڭداعان ماماندىعىن جەتىك بىلسە، مەملەكەتىمىز كوركەيىپ، وركەنيەتتى ەل قاتارىنا قوسىلامىز. اللا تاعالا بارشامىزعا قايىرلى ءبىلىم بەرىپ، ەل يگىلىگى ءۇشىن ايانباي قىزمەت ەتۋدى ءناسىپ ەتسىن»، – دەپ باتاسىن بەردى باس ءمۇفتي.

 

         www.muftyat.kz

0 پىكىر