ابدىشەۆتىڭ ءىسى ءالى سوزىلادى
قاراعاندى وبلىسىنىڭ بۇرىنعى اكىمى باۋىرجان ابدىشەۆتىڭ اباقتىدا وتىرۋ ۋاقىتى 23 اقپانعا دەيىن ۇزارتىلدى.
لاۋازىمدى قىزمەتىن اسىرا پايدالاندى جانە سىبايلاس جەمقورلىققا قاتىسى بار دەگەن ايىپپەن قاماۋعا الىنعان ەكس-اكىم تەرگەۋ اباقتىسىندا وتىرعالى 4 ايدىڭ ءجۇزى بولدى. ابدىشەۆقا قاتىستى تەرگەۋ ءىسىنىڭ ءالى اياقتالماۋىنا بايلانىستى ونىڭ ۋاقىتشا قاماۋدا وتىرۋ مەرزىمى ۇلعايتىلدى.
ايتپاقشى، وسى ءىستى تەرگەۋ بارىسىنداعى پايدا بولعان ايعاقتار بۇرىنعى قورعانىس ءمينيسترى سەرىك احمەتوۆتىڭ دا ءۇي قاماققا الىنۋىنا سەبەپ بولعان-دى. جاقىندا احمەتوۆتىڭ دا مىرزاقاماقتا وتىرۋ مەرزىمى ۇزارتىلعان بولاتىن. سونداي-اق، ينتەرنەت جەلىسىندە احمەتوۆتىڭ ومىرىمەن قوشتاسىپ، وزىنە قول سالعاندىعى جايىندا اقپارات پايدا بولعان ەدى. ءتيىستى ورگاندار بۇل حاباردى جوققا شىعاردى. احمەتوۆ ءدىن امان ەكەن.
اباي.kz
