ەلىمىزدىڭ بىرقاتار وبلىستارىندا ەلەكتر قۋاتى قىمباتتادى.

الماتى قالاسى مەن وبلىستىڭ تۇتىنۋشىلارى ەندى جاققان جارىقتىڭ وتەۋىنە تولەيتىن اقىسى ءۇشىن 7,5 ەسە كوپ تولەيتىن بولدى. بالامالى تاريف بويىنشا ەنەرگىمنىڭ ءار كيلوۆاتى ءۇشىن بەلىگىلەنگەن باعا : ءبىرىنشى دەڭگەي – 15,43 تەڭگە; ەكىنشى دەڭگەي – 20,90 تەڭگە; ءۇشىنشى دەڭگەي – 26,13 تەڭگە.

پاۆلودار وبلىسىندا قۋات قۇنى 3,6 پايىزعا ارتتى. ياعني، تۇرعىندار ەندىڭ ءار كيلوۆاتت ءۇشىن تولەيتىن  10,89 تەڭگەنىڭ ورنىنا 11,289 تەڭگە تولەۋگە مىندەتتى.

شىمكەنت قالاسى ءۇشىن دە قۋات قۇنى 6 پايىز شاماسىندا ءوستى. وڭتۇستىك تۇرعىندارى ەندى اۋماعى 70 شارشى مەترەدەن اساتىن تۇرعىن جايعا جۇمسالاتىن ەنەرگيا ءۇشىن 12,63 تەڭگە، 70 تەن 140 شارشى مەترلىك اۋماق ءۇشىن 16,84 تەڭگە جانە اۋماعى 140 شارشى مەتردەن اساتىن عيماراتتار ءۇشىن  21,6 تەڭگە شىعىندايدى.

سونداي-اق،  استانا مەن سولتۇستىك قازاقستان وبلىسىنداعى ەلەكتر ەنەرگياسىنىڭ باعاسىنا دا وزگەرىس ەنگىزىلدى. ەلورداداعى قۋات قۇنى 12,67 تەڭگە / كۆ.ساعات بولسا،  سولتۇستىك تۇرعىندارى ەندى ءار كيلوۆاتت ءۇشىن 0,15 تەڭگەگە ارتىق تولەمەك.

اباي-اقپارات.