بەيسەنبى, 17 ماۋسىم 2021
جاڭالىقتار 4507 0 پىكىر 30 جەلتوقسان, 2014 ساعات 11:58

ارداگەردەن ەلباسىعا العىس

وڭتۇستىك قازاقستان وبلىستىق وزبەك ەتنومادەني ورتالىعىنىڭ توراعاسى، قازاقستان حالقى اسسامبلەياسىنىڭ مۇشەسى يكرام حاشيمجانوۆ ەلباسىعا ۇوس جەڭىسىنىڭ 70 جىلدىعى قارساڭىندا كورسەتكەن ءىلتيپاتى ءۇشىن رياسىز ريزاشىلىعىن ءبىلدىردى. 

پرەزيدەنت اتىنان سىيلىق الىپ، قۇتتىقتاۋىن ەستىگەن ارداگەر:

-اسا قۇرمەتتى پرەزيدەنت مىرزا!

ءسىز جۋىردا كەلەسى جىلى كەڭ كولەمدە اتاپ وتكەلى وتىرعان ۇلى جەڭىستىڭ 70 جىلدىعىنا وراي قارت مايدانگەرلەردى قۇتتىقتاپ، ءىلتيپات كورسەتتىڭىز.

الدىڭعى تولقىن اعا بۋىننىڭ ومىرلىك مول تاجىريبەلەرى، ءوزىڭىز اتاپ وتكەندەي، كەيىنگى وسكەلەڭ ۇرپاق اقيقات جولىنان اداسپاي العا باسۋىنا زور سەپتىگىن تيگىزۋدە.

قادىرمەندى نۇرسۇلتان ءابىشۇلى!

اتالارىمىز بەن اكەلەرىمىز سول ءبىر سۇراپىل سوعىستا بىرلىكتىڭ، دوستىقتىڭ زور ۇلگىسىن كورسەتە ءبىلدى. ولاردىڭ ەرلىكتەرى ەشقاشان ۇمىتىلماق ەمەس.

ءسىزدىڭ مايدانگەرلەرگە كورسەتكەن وسىناۋ قۇرمەتىڭىز جانە سول كىسىلەردىڭ ونەگەلى ءومىرى بۇگىنگى ۇرپاقتىڭ الداعى ۋاقىتتا سىندارلى سىنداردان سۇرىنبەي ءوتىپ، اسۋلار الۋ مەن بيىكتەردى باعىندىرۋعا كۇش-قايرات بەرەدى دەپ ويلايمىن.

بۇگىندە ءسىزدىڭ سارابدال ساياساتىڭىزدىڭ ارقاسىندا ەلىمىز زور جەتىستىكتەرگە جەتتى. قازاقستان الەمگە تانىلدى. سوندىقتان وبلىستىق وزبەك ەتنومادەني ورتالىعى مەن اقساقالدار كەڭەسى مۇشەلەرىنىڭ اتىنان سىزگە ۇلكەن ريزاشىلىعىمىزدى بىلدىرۋگە رۇقسات ەتىڭىز. سىزگە زور دەنساۋلىق، قاجىماس قايرات تىلەيمىز، - دەپ العىسىن جاۋدىردى.

اباي-اقپارات.

( ماقالا egemen.kz  دەرەكتەرى نەگىزىندە ازىرلەندى.

0 پىكىر