ەلباسى نۇرسۇلتان نازارباەۆتىڭ «نۇرلى جول – بولاشاققا باستار جول» اتتى حالىققا جولداۋىن جۇزەگە اسىرۋ «قازاقستاننىڭ تۇرعىن ءۇي قۇرىلىسى جيناق» بانكى اق-نىڭ نەگىزگى جۇمىس باعىتى بولىپ تابىلادى.

مەملەكەت باسشىسى بيىلعى جولداۋىندا اتاپ كورسەتكەندەي، قازاقستاندا پايىزدىق مولشەرى تومەن جانە باستاپقى جارناسى تولەنبەيتىن جاڭا تۇرعىن ءۇي جوباسىنىڭ جۇزەگە اسۋىنا جاڭاشا سەرپىن بەرىلەدى. جولداۋدا تۇرعىن ءۇي ينفراقۇرىلىمىن نىعايتۋ ماسەلەسىنە توقتالعان ەلباسى: «ارەندالىق باسپانا قۇرىلىسى تۇرعىسىنداعى قادامداردى قايتا قاراستىرۋ كەرەك. بىزدە قولجەتىمدى باسپانا بويىنشا كوپتەگەن ادىستەر بار. ەلىمىزدە تۇرعىن ءۇي قۇرىلىس جيناق بانكى، يپوتەكا، ارەندالىق باعىتتار قامتىلعان. ەندى بىزگە باسقا قىرىنان قاراۋ كەرەك. مەملەكەت الەۋمەتتىك ارەندالىق باسپانانى سالىپ، ونى حالىققا ساتىپ الۋ قۇقىعىمەن ۇزاق مەرزىمگە جالعا بەرەتىن بولادى. قازىرگى كەزدە قولدانىستاعى جۇيە قوماقتى قارجىنى تالاپ ەتەدى. باستاپقى جارنانى تولەتكىزەدى، سودان كەيىن بانكتەر كابالدى (كىرىپتارلىق) پايىزداردى بەكىتەدى، ياعني ونىڭ دەڭگەيى 20 پايىزعا جەتەدى. ادامدار ونى تولەۋگە قاۋقارسىز جانە پروبلەمالار تۋىندايدى. بۇل باعدارلامالار قالادى، ولار داۋلەتتى ادامدار ءۇشىن قالىپتى. ال جاڭا باعىتتاعى باعدارلامانى جاس وتباسىلار ءۇشىن جانە باسپاناعا ءزارۋ ازاماتتارعا جاساپ جاتىرمىز»، – دەگەن ەدى.بۇل رەتتە جاڭا باعدارلاما بويىنشا باسپانا ەش دەلدالدارسىز، بارىنشا تومەن پايىزبەن بەرىلەدى. نەسيەلىك قىزمەت ەتۋ 1-2 پايىز كولەمىندە عانا بولۋى مۇمكىن. وسى باعدارلاما اياسىندا تۇرعىن ءۇيدى ساتىپ الۋ قۇنى تومەندەتىلىپ، باستاپقى جارنا قاراستىرىلمايدى.

قر پرەزيدەنتى ن. نازارباەۆ اتالمىش باعدارلاما بويىنشا باسپانا قۇرىلىسىنا 2015-2016 جىلدارى 180 ملرد تەڭگە بولىنەتىندىگىن باسا ايتتى. وسى جۇكتەلگەن مىندەتتەردى جۇزەگە اسىرۋ بارىسىندا ەل تۇرعىندارىن قول جەتىمدى باسپانامەن قامتاماسىز ەتۋدىڭ جاۋاپكەرشىلىگى «قازاقستاننىڭ تۇرعىن ءۇي قۇرىلىسى جيناق بانكى» اق-نا دا جۇكتەلىپ وتىر. بۇگىنگى تاڭدا قر ۇكىمەتىنىڭ شەشىمىمەن باسپانا نارىعىنداعى تۇرعىن ۇيمەن قامتاماسىز ەتۋدىڭ باستى وپەراتورلارى بولىپ «سامۇرىق-قازىنا» ۇلتتىق ءال-اۋقات قورى مەن «قازاقستاننىڭ يپوتەكالىق كومپانياسى» اق جانە  «قازاقستاننىڭ تۇرعىن ءۇي قۇرىلىسى جيناق بانكى» اق تاڭدالعان. وسى ورايدا «قازاقستاننىڭ تۇرعىن ءۇي قۇرىلىسى جيناق بانكى» اق ءوز تۇتىنۋشىلارىنىڭ وراسان زور سەنىمى ارقىلى ەلىمىزدىڭ ماڭداي الدى قارجى ۇيىمىنا اينالعاندىعىن ماقتانىشپەن ايتادى. ەلباسى جولداۋى جۇكتەگەن جاڭا مىندەت بانك ىسىنە جاڭا سەرپىن بەرىپ، تۇرعىن ءۇي نارىعىن قارجىلاندىرۋدىڭ جاڭا باعدارلامالارىن دۇنيەگە اكەلۋگە نەگىز بولادى دەپ سەنەمىز. بانكتىڭ ۇزاق مەرزىمگە ارنالعان قارجى ساياساتى باسپاناعا مۇقتاج وتانداستارىمىزدىڭ ءۇمىتىن وياتىپ، قولجەتىمدى تۇرعىن ۇيمەن قامتاماسىز ەتۋدىڭ جولدارىن جەڭىلدەتۋدى كوزدەيتىنى بەلگىلى. ال، مەملەكەت باسشىسى جۇكتەگەن مىندەت ءبىزدىڭ بۇل ىسىمىزگە تولىقتاي قولداۋ مەن مۇمكىندىك بەرەدى.

اباي-اقپارات.