اقش-تىڭ بىرنەشە امەريكاندىق ۋنيۆەرسيتەتتەرىنىڭ ستۋدەنتتەرى ءبىر جارىم جىلدان بەرى، «فلاگمان» باعدارلاماسىنا قاتىسىپ، ورىس تىلىنەن ەمتيحاندار مەن سىناقتار تاپسىرعان، ەسسە جازعان، سۇحباتتار بەرگەن – ونىڭ ءبارى وزدەرىنىڭ ءارى قاراي قازاقستاندا ءبىلىم الۋعا دەگەن قۇزىرەتتىلىكتەرىن دالەلدەۋ. مىنە، ەندى قىركۇيەكتە 26 جەڭىمپاز ءبىلىم الۋعا ەلىمىزدەگى جەتەكشى وقۋ ورنى – ءال-فارابي اتىنداعى قازۇۋ-عا، الماتىعا كەلدى.

 مۇنداي مۇمكىندىك، وسى جىلدىڭ تامىز ايىندا ءال-فارابي اتىنداعى قازۇۋ مەن حالىقارالىق ءبىلىم بەرۋ امەريكاندىق كەڭەسى (ACCELS, اقش، ۆاشينگتون) اراسىندا ارىپتەستىك تۋرالى ەكىجاقتى كەلىسىمگە قول قويىلعاننان سوڭ جۇزەگە اسىپ وتىر.

بۇل كوپتەگەن كەلەشەكتەگى جاڭا باعىتتارعا ءوز ەسىگىن اشتى: ستۋدەنتتەرمەن اكادەميالىق الماسۋ، عىلىمي-زەرتتەۋ تاجىريبەلەرى جانە سىناق مەرزىمىنەن ءوتۋ، بىرلەسكەن جوبالار، گرانتتىق زەرتتەۋلەرگە قاتىسۋ، ەڭ ۇزدىك عىلىمي جۋرنالداردا جانە وزگە دە باسقا باسىلىمداردا ناتيجەلەردى جاريالاۋ.

جاس امەريكاندىق ستۋدەنتتەردىڭ ەۋروپالىق جوو اراسىنان ءبىزدىڭ قازاقستاندىق وقۋ ورنىن تاڭداۋى، ءبىزدىڭ ەلىمىزدىڭ تانىمالدىلىعىنىڭ ارتقانىن، ءبىلىم بەرۋ جۇيەسى ساپاسى دەڭگەيىنىڭ جوعارى ەكەنىن كورسەتەدى. ءبىزدىڭ مامانداردىڭ ۇنەمى بىلىكتىلىكتەرىن ارتتىرىپ، ءبىلىمدى جوعارىلاتۋ ارقاسىندا، وزىق تەحنولوگيالاردى ەندىرۋ، حالىقارالىق مويىندالۋ جانە ءبىلىم بەرۋ باعدارلامالارىنىڭ جەتىستىكپەن اككرەديتاتسيادان ءوتۋى، ءبىزدىڭ ۋنيۆەرسيتەتتىڭ بەلسەندى اكادەميالىق ۇتقىرلىعى شەتەلدىك ءبىلىم الۋشىلاردىڭ قىزىعۋشىلىن تۋدىرۋدا.

«اقش-تان كەلگەن ستۋدەنتتەر بىزگە ورىس ءتىلىن مەڭگەرۋگە كەلىپ وتىر. قازۇۋ وقىتۋشىلارى ورىس ءتىلىن وقىتۋدىڭ كەشەندى باعدارلاماسى بويىنشا جۇمىس ىستەۋگە دايىن. ول وزىندىك ەرەكشە وقۋ باعدارلاماسىن قاراستىرادى: ۇلكەن كولەمدەگى توپتىڭ ورتاق پاندەردەن بولەك جەكە ساباقتار دا جۇرگىزىلەدى، بىلىمدىلىك، مادەنيەتتىلىك، ىنتالاندىرۋ ادىستەرى قولدانىلاتىن بولادى. جالپى توپتىڭ ساباقتاردان باسقا جەكە ساباق جۇرگىزىلەدى. امەريكاندىق ستۋدەنتتەر قازاق ءتىلى مەن قازاق مادەنيەت مەڭگەرۋگە ۇلكەن قۇلشىنىس تانىتىپ وتىر»، - دەيدى شەتەل فيلولوگياسى جانە جالپى ءتىل ءبىلىمى كافەدراسىنىڭ پروفەسسورى ەلەونورا سۇلەيمەنوۆا.

لينگۆيستىك دايىندىقتان وزگە ستۋدەنتتەر ءوز ماماندىقتارى بويىنشا پاندەردى مەڭگەرىپ، العان بىلىمدەرىن ءىس جۇزىندە دالەلدەۋ ءۇشىن وندىرىستە تاجىريبەدەن وتەدى. ولاردى اۋديتوريادان تىس ماڭىزدى ءومىر كۇتىپ تۇر: ستۋدەنتتىك ءوزىن-ءوزى باسقارۋعا قاتىسۋ، سپورتتىق سەكتسيالارعا جانە مۇراجايلاردى ارالاۋ جانە تەاترلارعا بارۋ، تاريحي جانە مادەني كوڭىل بولەرلىك ورىندارعا ساياحاتتاۋ جوسپارلانعان. دەمالىس ۋاقىتىندا ولار استانا جانە تۇركىستانعا بارادى.

ەڭلىك اقجىگىت

اباي-اقپارات