2014 جىلدىڭ 25 قىركۇيەگىندە استانادا Microsoft Kazakhstan جانە «نازارباەۆ زياتكەرلىك مەكتەپتەرى» ااق اراسىندا ءبىلىم بەرۋ سالاسىنداعى ىنتىماقتاستىق تۋرالى مامىلەگە قول قويىلدى. اتالعان ۇيىمدار ءبىلىم بەرۋدى تۇبەگەيلى وزگەرتۋ بويىنشا مىندەتتەردى شەشۋ، ءبىلىم بەرۋدەگى يننوۆاتسيالارعا جاعداي جاساۋ،  21 عاسىردا اسا ماڭىزدى بولاتىن داعدىلاردى جانە جۇمىسقا ورنالاستىرۋ ماسەلەلەرىن جەتىلدىرۋ ءۇشىن ورتاق كۇش بىرىكتىرە وتىرىپ جۇمىس جاسايتىن بولادى.

 مەموراندۋمعا قول قويۋ ءراسىمى 2014 جىلى ءوزىنىڭ جاڭا عيماراتىن پايدالانۋعا العان استانا قالاسىنىڭ فيزيكا-ماتەماتيكا باعىتىنداعى نازارباەۆ زياتكەرلىك مەكتەبىندە ءوتتى. قول قويۋ راسىمىنە Microsoft-تىڭ شىعىس جانە ورتالىق ەۋروپاداعى پرەزيدەنتى دون گرەنتەم (Don Grantham), «نازارباەۆ زياتكەرلىك مەكتەپتەرى» ااق باسقارما توراعاسىنىڭ ورىنباسارى رۋسلان جامەنكوۆ جانە Microsoft Kazakhstan باس ديرەكتورى الەكسەي رەشتەنكو قاتىستى.

 «Microsoft-تىڭ الدىندا اسا ماڭىزدى مىندەت تۇر، بۇل -  قازاقستاننىڭ وقۋ مەكەمەلەرىنە، پەداگوگتارىنا، وقۋشىلارى مەن اكىمگەرلەرىنە ەڭ سوڭعى IT-ازىرلەمەلەرگە جانە ءبىلىم بەرۋ سالاسىنداعى ەڭ جاڭا تەحنولوگيالىق شەشىمدەردى ەندىرۋ بويىنشا ءبىزدىڭ تاجىريبەمىزگە قول جەتكىزۋگە مۇمكىندىك بەرۋ. ءبىز Microsoft-تە جاقسى كەلەشەككە دايىندايتىن ءبىلىمدى الۋعا ءاربىر ادام قۇقىلى دەگەن سەنىمدى ۇستانامىز. ءبىز قازىردىڭ وزىندە زياتكەرلىك مەكتەپتەرمەن بىرقاتار بىرلەسكەن جوبالاردى ءساتتى جۇزەگە اسىرۋدامىز. اتاپ ايتقاندا، ءبىزدىڭ Office 365, Yammer ونىمدەرىمىزدى نازارباەۆ زياتكەرلىك مەكتەپتەرىنىڭ 10 مىڭنان اسا وقۋشىسى قولدانۋدا. ءبىز وسى مامىلە بىرلەسكەن جوبالارىمىزدىڭ اۋقىمىن كەڭەيتىپ، قازاقستاننىڭ ءبىلىم بەرۋ سالاسىنا قوسار ۇلەسىمىزدى ارتتىرۋعا مۇمكىندىك بەرەدى دەپ ۇمىتتەنەمىز»، -  دەپ اتاپ ءوتتى Microsoft Kazakhstan باس ديرەكتورى الەكسەي رەشتەنكو.

 قول قويىلعان مامىلە شەڭبەرىندە نازارباەۆ زياتكەرلىك مەكتەپتەرى جانە  Microsoft Kazakhstan بىرقاتار بىرلەسكەن جوبالاردى جۇزەگە اسىرۋدى جوسپارلاپ وتىر. سونداي جوبالاردىڭ ءبىرى - وقىتۋ مەكەمەلەرىنىڭ كوشباسشىلارىن وقۋ ءۇردىسىن جۇيەلى تۇردە وزگەرتۋ ىسىنە تىكەلەي تارتۋ ماقساتىندا ازىرلەنگەن «Microsoft يننوۆاتسيالىق مەكتەپتەرى» اتتى الەۋمەتتىك باعىتتاعى باعدارلاما. «Microsoft يننوۆاتسيالىق پەداگوگى» باعدارلاماسى مۇعالىمدەردىڭ جاڭا تەحنولوگيالاردى ءتيىمدى پايدالانۋىنا جانە سونىڭ ناتيجەسىندە وقۋشىلاردىڭ 21 عاسىر داعدىلارىن يگەرۋىنە جاعداي جاساۋدى كوزدەيدى. سونىمەن قاتار، جوبالاردىڭ تىزىمىندە كەلەسىلەر بار: باسقارۋ ورگاندارىنا ءبىلىم بەرۋدەگى ساندىق تەحنولوگيالاردى قولجەتىمدى ەتەتىن ستراتەگيالاردىڭ كەڭ تۇرلەرىن ىسكە اسىرۋعا كومەكتەسەتىن «كەلەشەكتىڭ ىرگەسىن قالاي وتىرىپ» باعدارلاماسى، سونداي-اق، Microsoft DreamSpark جانە Microsoft IT Academy.

ء «بىلىم بەرۋگە قولداۋ كورسەتۋ Microsoft كومپانياسىنىڭ باسىمدىق بەرەتىن نەگىزگى باعىتتارىنىڭ ءبىرى بولىپ تابىلادى. ورتالىق جانە شىعىس ەۋروپاداعى جاستار وراسان زور الەۋەتكە يە، ايماقتاعى تەحنولوگيالىق ستارتاپتار مەن جاس كاسىپكەرلەردىڭ سانى مۇنى راستاپ وتىر. ءاربىر نارىقتىڭ ەكونوميكالىق باسەكەگە قابىلەتتىلىگى كوبىنە ستۋدەنتتەردى وقۋعا دايىنداپ، يننوۆاتسيالاردى ەندىرۋ ىسىنە تارتىپ، ولارعا شابىت بەرۋ مىندەتىن تابىستى ورىنداپ جۇرگەن ءبىلىم بەرۋ مەكەمەلەرىنە بايلانىستى بولىپ كەلەدى. Microsoft كومپانياسى قازاقستان مەكتەپتەرىندە ءبىلىم بەرۋ جۇيەسىن تۇبەگەيلى وزگەرتۋ ءۇشىن ەڭ جاڭا تەحنولوگيالارمەن جانە نوۋ-حاۋمەن بولىسۋگە دايىن. قازىردىڭ وزىندە 2500-دەن اسا مۇعالىم Partners in Learning باعدارلاماسى شەڭبەرىندە ءبىزدىڭ قورلارىمىزدى پايدالانۋدا. سونىمەن قاتار، Microsoft سوڭعى 10 جىل ىشىندە قازاقستاننىڭ ءبىلىم بەرۋ سالاسىنا 1 ميلليون دوللاردان استام قارجى قۇيدى. ءبىز كاسىپكەرلىكتى دامىتۋعا باعىتتالعان BizSpark باعدارلاماسى شەڭبەرىندە 115-تەن اسا ستارتاپتى قولداپ ۇلگەردىك. مەن جاستارعا قاجەتتى قۇرالدارعا قول جەتكىزۋگە مۇمكىندىك بەرە وتىرىپ، ءبىز ولاردى جۇمىسقا ورنالاسۋعا قاجەتتى داعدىلاردىڭ بارلىعىمەن قامتاماسىز ەتەمىز دەگەنگە نىق سەنىمدىمىن»، - دەدى Microsoft-تىڭ شىعىس جانە ورتالىق ەۋروپاداعى پرەزيدەنتى دون گرەنتەم.

 Microsoft Kazakhstan كومپانياسى نازارباەۆ زياتكەرلىك مەكتەپتەرىمەن 2009 جىلدان باستاپ ءبىلىم بەرۋ سالاسىندا جەمىستى جۇمىس جاساپ كەلەدى. Microsoft Kazakhstan وكىلدەرى 2012 جىلى زياتكەرلىك مەكتەپتەردىڭ باسشىلىعىمەن بىرگە ءبىلىم بەرۋ سالاسىندا ىنتىماقتاستىقتى قۇرۋدى جانە مۇعالىمدەر مەن وقۋشىلاردىڭ اقپاراتتىق تەحنولوگيالاردى ەركىن مەڭگەرۋىن قامتاماسىز ەتۋدى كوزدەگەن العاشقى مامىلەگە قول قويعان بولاتىن.

«قازىردىڭ وزىندە بالالار ءبىرىنشى سىنىپقا اقپاراتتىق-كوممۋنيكاتسيالىق تەحنولوگيالار داعدىلارىن يگەرگەن كۇيدە  كەلەدى. ولار اقپاراتتىڭ وراسان زور كولەمىنە جانە ونىڭ سان الۋان ۇلگىلەرىنە قول جەتكىزە الادى، وسىلايشا بۇل جاعداي مەكتەپتىڭ اقپاراتتى الۋدىڭ نەگىزگى كوزى رەتىندەگى ءرولىن تومەندەتەدى. مەكتەپتىڭ مىندەتى - اقپاراتتىق-كوممۋنيكاتسيالىق تەحنولوگيالاردى قولدانۋ مۇمكىندىكتەرىن ءبىلىم بەرۋ ماقساتىندا، سونىمەن بىرگە، كەلەشەكتە جۇمىس ءۇشىن پايدالانا الاتىنداي ەتىپ، ۆيرتۋالدى الەمدى دۇرىس ءارى ءتيىمدى قولدانۋعا بالانى ۇيرەتۋ»، - دەيدى «نازارباەۆ زياتكەرلىك مەكتەپتەرى» ااق باسقارما توراعاسىنىڭ ورىنباسارى رۋسلان جامەنكوۆ.

Microsoft Kazakhstan مەن نازارباەۆ زياتكەرلىك مەكتەپتەرىنىڭ وتكەن 5 جىلداعى ىنتىماقتاستىعى شەڭبەرىندە كەلەسى ءساتتى جوبالار جۇزەگە اسىرىلدى:

•  پەداگوگتەردىڭ بىلىكتىلىگىن كوتەرۋ،  يۋنەسكو-نىڭ حالىقارالىق اقپاراتتىق-كوممۋنيكاتسيالىق بىلىكتىلىككە قوياتىن تالاپتارىنا سايكەس ازىرلەنگەن كۋرستان - «تەحنولوگيالار كومەگىمەن وقىتۋ» ونلاين-ترەنينگىنەن ءوتۋ. وقۋ شەڭبەرىندە پەداگوگتار حالىقارالىق ەمتيحاننان ءوتىپ، «Microsoft Certified Educator» سەرتيفيكاتىن الدى.
  • Office 365 جانە Yammer بۇلتتىق قىزمەتتەرىن زياتكەرلىك مەكتەپتەرىندە قولدانۋ. Office 365-تە كوپشىلىككە تانىس كوپ بەيىندى قوسىمشالار (Word, Excel, PowerPoint, OneNote, Outlook) بۇلتتىق تەحنولوگيالاردىڭ ارتىقشىلىقتارىمەن وتە جاقسى ۇيلەسىم تاپقان، مۇندا قۇجاتتارعا، ەلەكتروندىق پوشتاعا، ورتاق كۇنتىزبەلەرگە، بايلانىس تىزىمدەرىنە، شاپشاڭ حابارلامالارمەن الماسۋ قىزمەتتەرىنە ۇيالى قۇرىلعىدان قول جەتكىزۋگە جانە جەلىلىك كونفەرەنتسيالاردى وتكىزۋگە بولادى. ۇيىمدار ءۇشىن ارنايى جاسالعان Yammer كورپوراتيۆتىك الەۋمەتتىك جەلىسى قىزمەتكەرلەردىڭ ءوزارا ارەكەتتەسۋىن جانە ناقتى ۋاقىت تارتىپتەمەسىندە اقپاراتپەن الماسۋىن جەڭىلدەتتى.
  • British Educational Training and Technology ءبىلىم بەرۋ كورمەلەرىنە جانە Microsoft Global Education Forum-نىڭ جىل سايىنعى ءبىلىم بەرۋ فورۋمدارىنا قاتىسۋ.

 Microsoft 

Microsoft كومپانياسى -  باعدارلامالىق جابدىقتاما جانە IT قىزمەتتەرىن، قۇرىلعىلاردىڭ كەڭ تۇرلەرىن ۇسىناتىن اقپاراتتىق تەحنولوگيالار سالاسىنداعى الەمدىك كوشباسشى. ول - الەمنىڭ 120-نان اسا ەلىندە جۇمىس جاسايتىن الەمدەگى ەڭ ءىرى كورپوراتسيالاردىڭ ءبىرى.  Microsoft ونىمدەرى مەن قىزمەتتەر قورجىنىنىڭ ىشىنە ۇستەلدىك جانە جەلىلىك وپەراتسيالىق جۇيەلەر، قۇرىلعىلار (Xbox 360, Xbox One, Kinect, Surface جانە ت.ب.), سەرۆەرلىك قوسىمشالار، جانە باستى قولدانۋشىعا ارنالعان ۇستەلدىك بيزنەس-قوسىمشالار مەن كەڭسەلىك قوسىمشالار، بۇلتتىق شەشىمدەر، ينتەراكتيۆتىك باعدارلامالار، سەرۆيستەر مەن ويىندار، ينتەرنەتتە جۇمىس جاساۋعا ارنالعان قۇرالدار، باعدارلامانى ازىرلەۋگە ارنالعان قۇرالدار جانە ت.ب. كىرەدى. Microsoft قازاقستان اۋماعىندا 2002 جىلدان باستاپ قىزمەت جاساپ كەلەدى.

 نازارباەۆ زياتكەرلىك مەكتەپتەر

 نازارباەۆ زياتكەرلىك مەكتەپتەرىنىڭ ميسسياسى – جاراتىلىستانۋ-ماتەماتيكا  باعىتىنداعى مەكتەپتەگى ءبىلىم بەرۋ جۇيەسىنىڭ ۇزدىك قازاقستاندىق داستۇرلەردى، حالىقارالىق ءبىلىم مەن تاجىريبەنى ۇيلەستىرەتىن يننوۆاتسيالىق، كوپ ءتىلدى ۇلگىسىن ازىرلەۋ جانە ەندىرۋ ارقىلى قازاقستاننىڭ زياتكەرلىك الەۋەتىن ارتتىرۋعا جاعداي جاساۋ. بۇگىنگى كۇنى قازاقستاننىڭ استانا (2), شىمكەنت (2), الماتى، قاراعاندى، تالدىقورعان، سەمەي، وسكەمەن، پاۆلودار، كوكشەتاۋ، ورال، اقتوبە، اتىراۋ، قىزىلوردا، تاراز سەكىلدى قالالارىندا 16 زياتكەرلىك مەكتەپ جۇمىس جاسايدى.

اباي-اقپارات