قاي ادام دا، قايسى ءدىندى ۇستاۋشى دا ۇم­ىت­تەن ايى­رىلماۋعا تىرىسادى. راسى، ءۇمىتىن جو­عالت­قان ادام­نىڭ – ءومىرىنىڭ ءمان-ماعىناسى دا جو­يىلادى. كەرەك دەسەڭىز، قاتتى قينالىپ، قا­پالىققا تۇسكەن كىسىنىڭ دە تىزەسىن بۇكتىرمەي، تا­بانىن تايدىرمايتىن كۇش – بولماشى ماز­داعان ءۇمىت شىراعى. بالكىم، بۇل – لاپىلداپ-الاۋ­لاعان جالىن دا بولماس، دەسە دە، از عانا شى­راقتىڭ ءوزى پەندەنىڭ رۋحىن سىندارماي، ەرتەڭگە جەتەلەيدى...

قازاق بيلىگىنىڭ قازىرگى مۇنار-شىڭىنداعى ۇكى­مەت باسشىسى كارىم ءما­سىم­­وۆ باس­تاپ، ۇلتتىق بانك توراعاسى قايرات كەلىمبەتوۆ قوستاعان ءبىر توپ ءبىلىمى تومەن، بىلىگى كەم توپ – قازاق دالاسىنداعى ءۇمىت شىراعىن ء«ۇپ» دەپ ۇرلەپ، ءسوندىرىپ تاستادى...

اباي ايتقان: «وتىرىك، وسەك، ماقتانشاق... ەرىن­شەك، بەكەر مال شاشپاق»-تىڭ ارتى اشىلىپ، ۇكىمەت پەن باس بانك جەتەكشىلەرىنىڭ جەتەسىزدىگىنىڭ كەسىرىنەن تەڭ­گەنىڭ اقش دوللارىنا شاققانداعى باعامى - 1 اقش دوللارى - 260 تەڭ­گە­دەن اسىپ، اي-92 ماركالى بەنزيننىڭ 1 ءليترىنىڭ باعاسى – 128 تەڭگەگە ءبىر-اق شارىقتادى. دوللار مەن بەنزيننىڭ باعاسى اس­پان­عا شاپشىپ جاتسا، الگى ماز­داعان ءۇمىت شىراعىن «جالپ» ءسوندىرىپ العاندار جەرگە باسىمەن شانشىلا قادالىپ، جەرمەن-جەكسەن بولۋدا.

...سەنبى كۇنى الماتىدا ءبىر جاس انا ءوزىنىڭ 8 جانە 2 جاستاعى ەكى بالاسىن بەس­ىنشى قاباتتان ءبىر-بىرلەپ جەر­گە لاقتىرىپ-تاستاپ، سوڭى­نان ءوزى سەكىردى. ۇلكەن بالاسى سول جەردە قايتىس بولدى، قازىر كىشىسى مەن اناسى اۋرۋحانانىڭ «جان ساقتاۋ» بولىمىندە جاتىر...

بۇل - جۇرتقا ءمالىم جال^­عىز مىسال عانا. ال، ەلى­مىزدىڭ بارلىق ايماعى بوي­ىنشا قانداي قايعى-قاسى­رەت­تەردىڭ ورىن الىپ جات­قاندىعى اللاعا عانا ايان!..

ءتۇيىن مىناۋ: وبال-ساۋاپ­تىڭ نە ەكەنىن بىلسە، سوڭعى ونشاقتى جىلدىڭ كولەمىندە قايتا-قايتا ۇكىمەت باس­قار­ىپ:«قازاقستاندا داع­­دا­رىس بولمايدى، ءبىز كەرىسىنشە يندۋستريالدىق-يننوۆاتسيالىق دامۋ دەڭ­گەيىن كوتەرۋدەمىز» - دەپ، جالعان سويلەپ، حالىقتى الداعان ۇكىمەت باسشىسى كارىم ءماسىموۆ الگى بەسىنشى قاباتتان لاقتىرىلعان ءسا­بيدى; ال، «تەڭگەمىزدىڭ قۋاتى كۇشتى، قازاقستاندا دەۆالۆاتسيا بولمايدى» - دەپ مالىمدەگەن ۇلتتىق بانكتىڭ وتىرىكشى توراعاسى قايرات كەلىمبەتوۆ قيا­نات كورگەن انانى جەكە قام­قورلىعىنا الىپ، اسى­راپ-باقسىن! مەنىڭشە، ناعىز ادىلدىك – وسىلايشا باستالۋعا ءتيىس! اركىم ءوزىنىڭ ءسوزى مەن ىسىنە جاۋاپ بەرسىن!

ارينە، ءتيىستى ورىندار بۇل قاسىرەتتى «وتباسىلىق كيكىلجىڭگە»، «كۇيەۋىنىڭ قا­تال­دىعىنا»، «ەنەسىنىڭ ەس­سىز­دىگىنە» جاۋىپ، بۇرىپ جى­بەرۋدى قازىردىڭ وزىندە باس­تاپ كەتتى. ءتىپتى، «وتاعاسى مەشىتتە جۇمىس ىستەيدى ەكەن» دەگەن اسىل دىنىمىزگە قارسى دالەلسىز دايەكتەر دا ايتىلىپ قالدى...

بىزدىڭشە، بۇل – ەلىمىزدەگى جان تۇرشىگەرلىك تۇڭعىش جاع­داي بولعاندىقتان، مۇنىڭ سەبەپ-سالدارى تىم تەرەڭدە جاتقان سياقتى..

...مەنىڭ تاعى ءبىر ويىم ايتادى: ء«اي، قايدام، ايدىن ايىمبەتوۆتەي ايبىندى عارىشكەرى ۇستىنە سۋ بۇركىتىپ-شوقىنىپ، كرەست قۇشاقتاعان قازاق قوعامىنىڭ قاي قىلىعىنا دا تاڭ قالۋعا بولماس...»

قاجىمۇقان عابدوللا

اbai.kz