پاريج شەتىندەگى فرانتسۋزداردىڭ پونتۋاز قالاسىندا ءوتىپ جاتقان مۇسىلماندار ءماسليحاتىن فەمينيستىك جانجالقور FEMEN قوزعالىسىنىڭ بەلسەندىلەرى ءبولىپ جىبەردى، - دەپ حابارلايدى tengrinews.kz NEWSru.co.il سايتىنا سىلتەمە جاساپ.

ەكى قىز ساحناعا شىعىپ، ءوز ايەلدەرىن ۇرۋ قۇقىعى تۋرالى مۇسىلمان ۋاعىزشىسى نادەر ءابۋ اناس لەكتسيا وقىپ جاتقاندا كيىمدەرىن شەشىپ تاستادى. جارتىلاي جالاڭاش قىزدار ميكروفوندى الىپ، اراب جانە فرانتسۋز تىلىندە ۇرانداتا باستادى.

ماسليحاتقا قاتىسۋشىلار تارقاسۋعا بىردەن شەشىم قابىلداعان. نارازىلىق شاراسىن كۇزەتشىلەر توقتاتتى. ولار قىزداردى ساحنادان  يتەرىپ، ۇرىپ-سوقتى. قازىر ولار بۇزاقىلىق ءۇشىن قاماۋدا وتىر.

باسىلىمنىڭ مالىمەتىنشە، قىزداردىڭ ءبىرى 25 جاستا، ال ەكىنشىسى 31-دە. ولار تۋنيس پەن ءالجيردىڭ تۋمالارى، مۇسىلمان وتباسىندا تاربيەلەنگەن.

tengrinews.kz